Ezra 5:12 - MUMA MALER 2015

¹² To kata kamano, kwerewa mowang’o i Nyasach polo, mi Nyasaye nochiwogi e lwet Nebukadnezar ja-Kaldea, ruodh Babulon mane omuko odno, kendo otero jowa Babulon e tuech.

Motingʼo Loko Manyien

¹² To nikech wuonewa nowangʼo ii Nyasach Polo, nochiwogi ne Nebukadneza ja-Kaldea, ruodh Babulon, ma nomuko hekaluni kendo oriembo ji nyaka Babulon.

Ezra 5:12 ပူးပေါင်းရင်းမြစ်များ

2 Ruodhi 24:2

Eka Ruoth Nyasaye nooro mony mag jo-Babulon gi mag jo-Aram, gi mag jo-Moab kod mag jo-Amon, mondo oked gi jo-Juda, kendo ne giketho pinygi chuth, kaka Ruoth Nyasaye nosemiyo jatichne ma janabi owacho.

2 Ruodhi 25:1

Omiyo chieng’ due apar, due mar apar, e higa mar ochiko mar loch Zedekia, Nebukadnezar ruodh Babulon nobiro gi joge mag lweny, mi gimonjo Jerusalem. Ne gigero kambi oko mar dala, eka ne gichielone ohinga molwore.

2 Weche mag Ndalo 36:20

Jogo mane ok onegi, ruoth notero Babulon, kuma ne gidokoe wasumbe, kendo wasumb yawuote, nyaka nochopo ndalo mane jo-Persia okawoe loch.

Zaburi 106:40

Kuom mano, Ruoth Nyasaye nokecho kodgi. Chutho nojok kodgi, kata obedo ni gin joge mane oyiero kamano.

Isaya 47:6

Kane mirima omaka gi joga, ne ajwang’ogi ka gima ok gin joga awuon, mi aketogi e tekoni. Ne ok ikechogi, to ne iketo kum mapek koda ka kuom joma oti.

Jeremia 5:29

Donge abiro kumogi kuom mago duto? Ee, abiro chulo kuor ni ogandani. An Ruoth Nyasaye ema awacho kamano!”

Jeremia 51:59

Seraya wuod Neria ma nyakwar Maseya ne jatich Zedekia ruodh Juda. E higa mar ang’wen mar loch Zedekia, noyudo Seraya dwaro dhi Babulon, omiyo Jeremia ne oore.

Jeremia 52:12

Chieng’ due apar due mar abich e higa mar apar gochiko mar loch Nebukadnezar, Nebuzaradan, ma jang’ad ni ruoth rieko, kendo ma jatend joge mag lweny, nodonjo Jerusalem.

Daniel 9:5

Waseketho, kendo wabedo joricho kwatimo marach. Wasedagi timo gima ne ichikowa ni mondo watim, mi waweyo chikeni gi bucheni.

Rapar mar Chik 31:17

Kuom mano, mirimba mager noliel kuomgi ka mach mi notiekgi. Anawegi, kendo ok nakwan-gi ka joga, mi ginithagre malit, kendo ginine masiche madongo. Eka bang’e giniwach niya, ‘Thagruokgi osebironwa mana nikech Nyasachwa koro ok ni kodwa.’

Rapar mar Chik 32:30

Ere kaka ng’at achiel dilaw ji gana achiel, kata ji ariyo riemb ji gana apar, mak mana ka ok Ruoth Nyasaye ma Lwandagi ema oweyogi, moketogi e lwet wasikgi?

Jong’ad Bura 2:14

Omiyo Ruoth Nyasaye nokecho kodgi, mi nochiwogi e lwet mony moyakogi. To bende noketogi e lwet wasikgi duto mane olworogi, mi koro ne ok ginyal sirogi kata matin.

Jong’ad Bura 4:2

omiyo nochiwogi e lwet Jabin ruodh jo-Kanaan ma nodak Hazor. Jaduong’ jolweny Jabin ne nyinge Sisera. Nodak Harosheth-hahagoim,

Jong’ad Bura 6:1

Timbe jo-Israel nochako obedo maricho e nyim Ruoth Nyasaye mi nochiwogi e lwet jo-Midian kuom higni abiriyo.