Ezra 5:11 - MUMA MALER 2015

¹¹ To ne gidwokowa niya, ‘Wan jotich Nyasach polo gi piny, kendo wagero ot mane oyudo oseger chon, higni mang’eny mokadho. Ruodh Israel maduong’ ema nogere, motieke.

Motingʼo Loko Manyien

¹¹ Ma e dwoko mane gimiyowa: Wan jotich mar Nyasach polo kod piny, kendo wagero hekalu manyien mane oger higni mangʼeny mokalo, mano mane ruoth maduongʼ mar Israel ogero kendo otieko.

Ezra 5:11 ပူးပေါင်းရင်းမြစ်များ

Chakruok 24:3

Adwaro ni mondo ikuong’rina e nyim Ruoth Nyasaye ma Nyasach polo gi piny ni ok ninywom ni wuoda nyar piny Kanaan madakieni,

1 Ruodhi 6:38

To e higa mar apar gachiel, e due mar aboro miluongo ni Bul, Hekalu norumo chuth, kaka nosechan ni onego gere. Kamano Solomon notieko higni abiriyo kagero Hekalu.

1 Ruodhi 9:10

Kane higni piero ariyo mane Solomon ogeroe Od Ruoth Nyasaye gi ode owuon oserumo,

Ezra 5:10

Bende ne wapenjogi nyinggi mondo ing’e nying jotendgi kod kar rombgi.

Zaburi 119:46

bende anahul ni ruodhi chikeni, ka aonge gi wich kuot.

Zaburi 136:26

Gouru erokamano ni Nyasach polo, nimar herane mosiko ochwere.

Daniel 3:26

Mano omiyo Nebukadnezar nodhi e dho mach, mi oluongo niya, “Shadrak gi Meshak kod Abednego, un jotich Nyasaye maduong’ moloyo, wuoguru!” Mi ne giwuok.

Jona 1:9

Nodwokogi niya, “An ja-Hibrania, kendo alamo Ruoth Nyasaye ma Nyasach polo mane ochueyo nam gi piny.”

Mathayo 10:32

“Ng’ato ang’ata mohulo ni en ng’ata e nyim ji, an bende nahul ni en ng’ata e nyim Wuora mae polo.

Luka 12:8

“Awachonu ni ng’ato ang’ata mahulo e nyim ji ni en ng’ata, Wuod Dhano bende nohul ni en ng’ate e nyim malaika mag Nyasaye.

Tich Joote 27:23

Ang’eyo kamano nikech nyoro gotieno malaika mar Nyasaye ma an ng’ate, kendo ma atiyone, nyoro obiro ira,

Jo-Rumi 1:16

Aonge gi wich kuot moro amora kuom Wach Maber, nimar en e teko mar Nyasaye, mawaro ji duto moyie. Mokwongo nobiro ni jo-Yahudi, to bang’e nobiro ni joma ok jo-Yahudi bende.

Jo-Rumi 6:16

Donge ung’eyo malong’o ni ka uchiworu ni ng’ato ka wasumbe, mi urito chikene, to chutho un wasumb ng’atno? Kamano bende ka un wasumb richo to tho ema ochomou, to ka un wasumb winjo wach to Nyasaye biro miyo ubed e winjruok kode.

Jo-Galatia 6:14

An to ok anyal pakora kuom gimoro mak mana kuom msalap Ruodhwa Yesu Kristo, mosemiyo piny ochalona ka gima ogur e msalaba, kendo ma osemiyo an bende achalo ni piny ka ng’ama ogur e msalaba.

Joshua 24:15

Ka ok uikoru mar tiyone, to yieruru tinendeni nyasaye mubiro tiyone. Unyalo tiyone nyiseche mane kwereu lamo loka aora Yufrate, kata nyiseche mag jo-Amor, ma koro udak e pinygini. To an, kaachiel gi jooda, wabiro tiyo ni Ruoth Nyasaye.”