Ezra 4:4 - MUMA MALER 2015

⁴ Bang’e joma koro nodak e pinyno nonyoso chuny jo-Juda, ka gibwogogi ni mondo kik gigedi.

Motingʼo Loko Manyien

⁴ Eka joma ni machiegni kodgi nowuok mondo onyos chuny jo-Juda kendo gibed maluor mar dhi nyime gi gedo.

Ezra 4:4 ပူးပေါင်းရင်းမြစ်များ

2 Samuel 4:1

Kane Ishbosheth wuod Saulo owinjo ni oseneg Abner, ka ni Hebron, chunye noa, kendo jo-Israel duto nobwok.

Ezra 3:3

Mokwongo ne gichungo kendo-mar-misango kare machon, nikech ne giluoro joma koro nodak e pinyno, mi gitimoe ni Ruoth Nyasaye misengni miwang’o pep, okinyi godhiambo.

Ezra 4:5

Ndalo duto mane Kuros rito piny, ne gimiyo jodonge asoya mondo oketh wach jo-Juda. Mano nodhi nyime nyaka ndalo loch Darius ruodh Persia.

Nehemia 4:11

Wasikwa bende nowacho niya, “Wabiro monjogi, mwaneggi, kapok giwinjo kata neno gimoro, mi tich biro chung’.”

Nehemia 4:2

kopenjo jowetene kod jolweny mane ni Samaria niya, “Jo-Yahudi mayomyomgi dwaro timo ang’o ka? Giparo ni digilos kanyo kendo? Bende diginyal timo misango kendo tieko tich godiechieng’ achiel? Koso giparo ni ginyalo golo kite kuom pidhe ohinga mowang’go, mi gichak gigedgo?”

Nehemia 6:9

Giduto ne gidwaro bwogowa, ka giparo ni wabiro nyosore, kendo tichwa ok bi rumo. To namedo keto tekra duto e tich.

Jeremia 38:4

Kane jodongogo owinjo wechego, ne ginyiso ruoth niya, “Ng’atni nyaka negi, nikech kowuoyo kama, to onyoso chuny jolweny kaachiel gi jomoko duto modong’ e dala ka. Emomiyo waneno ni ng’atni ok dwar konyo ji, to odwaro mana ni mondo giyud chandruok.”

Daniel 10:13

To malaika ma jarit piny Persia ne okedo koda kuom ndalo piero ariyo gachiel. Eka Mikael ma achiel kuom malaike madongo nobiro mondo okonya, nikech ne adong’ kenda e piny Persia kuno.

Daniel 10:20

Eka ne openja niya, “Bende ing’eyo gima omiyo asebiro iri?