Ezra 4:20 - MUMA MALER 2015

²⁰ E ndalo mokadho ruodhi marateke norito Jerusalem, kendo noloyo piny duto man loka Yufraete. Ji ne goyonigi osuru mopogore opogore.

Motingʼo Loko Manyien

²⁰ Jerusalem osebedo gi ruodhi maroteke ka girito piny Yufrate duto, kendo osuru, chiwo ma ruoth ketone joma otelone, kod chudo moro amora mag gik miloko nochulgi.

Ezra 4:20 ပူးပေါင်းရင်းမြစ်များ

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

1 Ruodhi 4:21

Solomon nobedo ruodh pinje duto, chakre aora Yufrate, nyaka piny jo-Filistia kod tong’ piny Misri. Jopinjego duto ne chulo osuru, kendo ne tiyo ni Solomon kuom ndalo duto mag ngimane.

1 Ruodhi 4:24

Solomon noloyo ruodhi kod pinje duto koa yo milambo mar aora Yufrate, chakre Tifsa nyaka Gaza, mi nobedo gi kue e tong’ pinye duto.

1 Ruodhi 5:1

Kane Hiram ruodh Turo owinjo ni Solomon osewir, moket ruoth kar Daudi wuon mare, nooro joote ire, nikech yande ne ohero Daudi.

1 Ruodhi 5:4

To koro Ruoth Nyasaye ma Nyasacha osemiya kue kuonde duto, kendo aonge gi wasigu kata masira moro.

1 Weche mag Ndalo 18:13

Noketo askeche ma jorit e piny Edom, mi jo-Edom duto nobet e bwo loch Daudi. Kuonde duto mane Daudi dhiye, Ruoth Nyasaye ne miyo olocho.

1 Weche mag Ndalo 18:3

Bende Daudi noloyo Hadadezer ruodh Zoba-hamath, kane ruodhno dhi chungo rapar mar lochne e lweny but aora Yufrate.

1 Weche mag Ndalo 18:6

Eka noketo askeche ma jorit e piny jo-Aramgo, mi ne gibedo e bwo lochne, kendo ne gigolone osuru. Kuonde duto mane Daudi dhiye, Ruoth Nyasaye ne miyo olocho.

1 Weche mag Ndalo 19:19

Kane jo-Hadadezer oneno ni jo-Isarel oloyogi, ne giywagre ni Daudi, mi gibedo e bwo lochne. Bang’ mano, jo-Aram nodagi konyo jo-Amon kendo.

2 Weche mag Ndalo 17:11

Jo-Filistia moko ne kelo ni Jehoshafat mich, kaachiel gi fedha ma gichulogo osuru. Jo-Arabu bende nokelone imbe alufu abiriyo gi mia abiriyo kod nyuogi alufu abiriyo.

2 Weche mag Ndalo 9:14

ka ok okwan mago mag osuch johala gi johono; kendo ruodhi duto mag piny Arabia kod jorit piny Solomon ne kelone fedha gi dhahabu.

Ezra 4:13

To ruoth, nyaka ing’e malong’o ni kapo ni gigero dalagino, mi gitieko ohingane, to ok ginigol osuru, kata golo chiwo, kata mana chulo gimoro amora, mi e gikone giniketh lochni.

Ezra 4:16

Koro ruoth, wanyisi ni ka oger dalano, mi ohinga mare orumo, to onge piny moro loka Yufrate ma nodong’ e bwo lochni.”

Ezra 4:19

omiyo nyocha agolo chik mondo onon kitepe, mi oseyud ni jodalano osebedo ka ng’anyo kuom kinde malach, kendo wich teko gi ng’anyo bende osebedo kosiko kanyo.

Ezra 4:21

Kuom mano koro goluru chik mondo jogo owe tich. Dalano kik ger nyaka agol chik.

Ezra 7:24

To bende wanyisou malong’o ni uonge gi teko mar keto osuru kata chudo moro kuom jodolo gi jo-Lawi gi jower gi jorit dhorangeye kod jotich Hekalu, kata kuom ji mamoko e Od Nyasaye.

Zaburi 72:8

Pinye nochakre e bath nam man yo wuok chieng’, nyaka bath nam man yo podho chieng’, kendo nochakre aora Yufrate nyaka tung’ piny.

Ywagruok 1:1

Mano kaka dala Sayun mane ji ng’enyie tinde odong’ nono! Chon ogendini ne kwane ka dala maduong’, to koro osedong’ mana ka chi liel. Adier, chon ne en ruodh mier duto, to tinde ochalo mana ng’ama tiyo tich misumba.

Ezekiel 19:11

Bede mzabibuno ne otegno, moromo loso ludhe ruodhi. Ne odongo mabor mi otundo e polo, kendo ji duto neno kaka orabora kendo otimo otiep maber.

Mathayo 9:9

Yesu noa kanyo, kendo kane oyudo owuotho, noneno jasol osuru moro miluongo ni Mathayo, kobet kar solo osuru. Yesu nowachone ni, “Luwa!” mi Mathayo noa malo, moluwe.