Ezra 4:10 - MUMA MALER 2015

¹⁰ kod ji mamoko mane Asnapar ruoth moluor kendo mogen odaro momiyo kar dak e dala mar Samaria, kendo e piny man loka aora Yufrate.”

Motingʼo Loko Manyien

¹⁰ gi joma moko mane Ashurbanipal, ngʼatno maduongʼ kendo moluor noriembo, mi omiyogi kar dak e dala maduongʼ mar Samaria kod kamachielo machiegni gi loka Aora Yufrate.

Ezra 4:10 ပူးပေါင်းရင်းမြစ်များ

Ezra 4:1

Kane wasik jo-Juda gi jo-Benjamin owinjo ni joma oa e tuech koro gero Hekalu ni Ruoth Nyasaye ma Nyasach Israel,

Ezra 4:11

Baruano nodhi nyime kawacho kama: “Kuom ruoth Artaxerxes. Wan wasumbni magi modak loka Yufrate, wamosi.

Ezra 4:17

Ruoth nodwokogi kama: “To kuom Rehum ma jaduong’ piny gi Shimshai jagoro kod joweteu duto modak Samaria gi piny man loka aora Yufrate, amosou.

Ezra 7:12

“An Artaxerxes, ruodh ruodhi andiko ni Ezra, jadolo kendo japuonj chik, mong’eyo chike Nyasach polo, ka awacho kama:

Nehemia 4:2

kopenjo jowetene kod jolweny mane ni Samaria niya, “Jo-Yahudi mayomyomgi dwaro timo ang’o ka? Giparo ni digilos kanyo kendo? Bende diginyal timo misango kendo tieko tich godiechieng’ achiel? Koso giparo ni ginyalo golo kite kuom pidhe ohinga mowang’go, mi gichak gigedgo?”

Nehemia 9:32

“A Nyasachwa man gi teko, in e Nyasaye maduong’ kendo malich, ma rito singruokne gi adiera. Omiyo koro kik ikaw masiche mwanenogi mayot, nikech ruodhiwa gi jodongwa gi jodolowa gi jonabiwa gi kwerewa kod jogi duto osethagore, chakre ndalo loch ruodhi mag Asuria nyaka chil kawuono.

Jo-Rumi 13:7

Miuru ng’ato ka ng’ato gima onego umiye, bed ni en osuru, kata luor, kata duong.’