Ezra 3:7 - MUMA MALER 2015

⁷ Jogedo gi jopa kite ne gimiyo pesa, to jo-Sidon gi jo-Turo ne gimiyo chiemo gi gik mimadho kod mo, mondo odhi Lebanon, okwang’ yiend sida nyaka dhowath Jopa. Kuros ruodh Persia ema nosemiyogi thuolo mar timo kamano.

Motingʼo Loko Manyien

⁷ Eka negichiwo pesa ne jogedo kod funde bao, kendo gichiwo chiemo gi math gi mo ne jo-Sidon gi jo-Turo, mondo omi gikel sirni mag sida koluwo nam koa Lebanon nyaka Jopa, kaluwore gi thuolo mane ochiw gi Sairas ruodh Pasia.

Ezra 3:7 ပူးပေါင်းရင်းမြစ်များ

2 Samuel 5:11

Hiram ruodh Turo nooro joote ir Daudi gi yiend sida, kaachiel gi jopa bao kod jogedo mag kite, mi jogo nogero ni Daudi ot.

1 Ruodhi 5:6

Omiyo koro yie ichik ji mondo otong’na yiend sida mag Lebanon. Jotichna nonywak tich kod jotichni, kendo anamiyi chudo mag jotichni kaka ichano, nikech onge ng’ato kuomwa mong’eyo tong’o yien machal gi jo-Sidon.”

2 Ruodhi 12:10

To kane gineno ni pesa ng’eny e sanduk, to jagoro mar ruoth gi jadolo maduong’ ne jodhi e Od Ruoth Nyasaye kwano pesa, kendo tueyogi e kirope.

2 Ruodhi 12:13

To nyilerni mag fedha, gi rangis teyni, kod tewni gi tunge, kod gik moko mag fedha kata mag dhahabu ne ok olos gi pesa mane okel e Od Ruoth Nyasaye,

2 Weche mag Ndalo 34:10

Ne giketo pesago e lwet nyipeche mane rito tich Od Ruoth Nyasaye, mi nyipechego nochiwo pesago e lwet jotich, mondo olosgo Od Ruoth Nyasaye.

Ezra 3:6

Ne gichako timo misengni miwang’o pep e odiechieng’ mokwongo mar due mar abiriyono, kata obedo ni mise mar Hekalu mar Ruoth Nyasaye ne pok oketi.

Ezekiel 27:17

Jo-Juda gi jo-Israel to ne ng’iewo gik mane in go, ka chuli ngano gi mor kich gi mor zeituni kod gik mamilimili.

Jona 1:3

To kane Jona owinjo kamano, nowuok mondo oring odhi Tarshish, oa e wang’ Ruoth Nyasaye. Nodhi Jopa, kuma noyudoe yie madhi Tarshish. Nochulo nengo mar wuoth, mi oidho yie mondo odhi Tarshish kuma bor gi Ruoth Nyasaye.

Tich Joote 12:20

Noyudo mirima osebedo komako Herode gi jo-Turo kod jo-Sidon e kindeno. Kuom mano ne gichokore, mi gidhi ire. To mokwongo ne gihoyo Blasto mane jaduong’ od ruoth Herode, obedo osiepgi, eka ne gikwayo ruoth mondo omigi kue. Ne gidwaro kue nikech pinygi ne yudo chiemo e piny ruodh Herode.

Tich Joote 9:36

Bende ne nitie japuonjre moro manyako Jopa, ma nyinge Tabitha. (Dho Grik to luongo nyingeno ni Dorka, tiende ni Nyakech.) Ne osiko kotimo timbe mabeyo, kendo okonyo joma odhier.

Tich Joote 9:38

To kaka Jopa ne chiegni gi Luda, jopuonjre nowinjo ni Petro ni kuno, omiyo ne gioro ji ariyo ire, ka gikwaye ni, “Kiyie, to bi irwa mak ideko.”

Tich Joote 9:43

Petro nomedo bet Jopa kuom ndalo mang’eny, kodak gi ng’at moro ma janyong’ piende ma nyinge Simon.