Ezra 3:2 - MUMA MALER 2015

² Eka Joshua wuod Jozadak gi jodolo wetene kod Zerubabel wuod Shealtiel gi owetene ne jogero kendo-mar-misango mar Nyasach Israel, mondo otimie misengni miwang’o pep, kaka ondiki e chik Musa ng’at Nyasaye.

Motingʼo Loko Manyien

² Eka Jeshua wuod Jozadak kod jodolo wetene kod Zerubabel wuod Shealtiel gi jogo mane tiyo kode nochako gero kendo mar misango mar Nyasach Israel mondo time chiwo mar misango miwangʼo pep, kaluwore gi gima ondiki e Chike Musa, ngʼat Nyasaye.

Ezra 3:2 ပူးပေါင်းရင်းမြစ်များ

Chakruok 12:7

Ruoth Nyasaye nofwenyore ni Abram kanyo, mowachone niya, “Ma e piny ma nami nyikwayi.” Mi Abram nogero kendo-mar-misango kanyono ni Ruoth Nyasaye ma nofwenyorene.

1 Weche mag Ndalo 23:14

To joka Musa, ng’at Nyasaye, ne okwan kuom jo-Lawi.

1 Weche mag Ndalo 3:17

Jekonia, mane oter e tuech, nonywolo Shealtiel

1 Weche mag Ndalo 3:19

Pedaya nonywolo Zerubabel gi Shimei, to yawuot Zerubabel ne Meshulam gi Hanania. Ne gin gi nyamin-gi ma nyinge Shelomith.

2 Weche mag Ndalo 6:6

kendo ne ok ayiero ng’at moro obed jatend joga Israel, mak mana Daudi.’

Ezra 10:18

Jodolo mane oyud ni osekendo nyi joma ok jo-Yahudi, ne gin Maaseya gi Eliezer gi Jarib kod Gedalia ma jaka Jeshua wuod Jozadak, gi owetene.

Ezra 10:20

Kuom joka Imer ne gin Hanani kod Zebadia;

Ezra 10:21

kuom joka Harim ne gin Maaseya gi Elija gi Shemaya gi Jehiel kod Uzia;

Ezra 10:22

kuom joka Pashur ne gin Elioenai gi Maaseya gi Ishmael gi Nethaneel gi Jozabad kod Elasa.

Ezra 2:2

Jotendgi ne gin: Zerubabel, gi Jeshua, gi Nehemia, gi Seraya, gi Reelaya, gi Mordekai, gi Bilshan, gi Mizpar, gi Bigvai, gi Rehum, kod Baana.

Ezra 3:8

E due mar ariyo mar higa mar ariyo bang’ duokgi e Od Nyasaye Jerusalem, Zerubabel wuod Shealtiel kod Jeshua wuod Josadak ne jochako tich, ka jodolo gi jo-Lawi gi jo-Israel wetegi duto ma noa e tuech, mobiro Jerusalem, konyogi. Ne giyiero jo-Lawi ma hikgi piero ariyo kadhi nyime, mondo orit tich Od Ruoth Nyasaye.

Ezra 5:2

Kane Zerubabel gi Shealtiel kod Jeshua wuod Jozadak owinjo wechegigo, ne gichako gero Od Nyasaye Jerusalem, kendo jonabi mag Nyasayego ne ni kodgi, ka konyogi.

Nehemia 12:1

Jodolo gi jo-Lawi mane oduogo gi Zerubabel wuod Shealtiel, kendo gi Jeshua, ne gin Seraya gi Jeremia gi Ezra

Nehemia 12:8

Jo-lawi ne gin: Jeshua gi Binui gi Kadmiel gi Sherebia gi Juda kod Matania. Matania nogono kaachiel gi jowetene, ema ne telo ni wer sa lemo.

Zaburi 78:68

To ne oyiero mana joka Juda, kod got Sayun ma ohero.

Wuok 27:1

“Los kendo-mar-misango gi yiend shita. Borne gi lachne mondo obed mita ariyo gi nus.

Hagai 1:1

Chieng’ mokwongo mar due mar auchiel e higa mar ariyo mar loch Darius, Ruoth Nyasaye nokelo ni janabi Hagai wach mondo onyis Zerubabel wuod Shealtiel, ma jatend piny Juda, gi Joshua wuod Jehozadak, jadolo maduong’ niya,

Hagai 1:12

Zerubabel wuod Sheatiel, gi Joshua wuod Jehozadak jadolo maduong’, kaachiel gi ji moko duto mane oa e tuech nowinjo weche Ruoth Nyasaye, kaachiel gi weche mane Hagai owacho kane Ruoth Nyasachgi oore, mi luoro maduong’ nomakogi e nyim Ruoth Nyasachgi.

Hagai 1:14

Bang’ mano Ruoth Nyasaye nojiwo chuny Zerubabel wuod Shealtiel ma jatend piny Juda, gi chuny Joshua wuod Jehozadak, jadolo maduong’, kod chuny ji mamoko mane oa e tuech,

Hagai 2:21

“Nyis Zerubabel jatend Juda ni abiro yiengo polo gi pinyu.

Hagai 2:23

To chieng’no anakawi, in jatichna Zerubabel wuod Shealtiel kendo anami ibed ruodh jogo, nikech in ema aseyieri. An Ruoth Nyasaye ema awacho kamano.”

Zekaria 3:1

Bang’e Ruoth Nyasaye nonyisa Joshua, jadolo maduong’, kochuny e nyim malaika mar Ruoth Nyasaye, kendo ne aneno Satan bende kochung’ e bad Joshua korachwich, mondo odonjne.

Zekaria 3:8

Koro yaye Joshua jadolo maduong’, in kaachiel gi jowadu mobet e nyima ka, chikuru itu. Un duto un ranyisi maber mar gik mabiro. Abiro kelo jatichna miluongo ni Badyath.

Zekaria 6:11

Kaw fedha gi dhahabugo mondo ilosgo osimbo, isidh ewi Joshua wuod Jehozadak jadolo maduong’,

Kwan 28:2

Chik jo-Israel mondo ochiw gik mitimonago misengni miwang’o mondo obed chiemba madum tik mamit e kinde moketi.

Luka 3:27

wuod Joanan, wuod Resa, wuod Zerubabel, wuod Shealtiel, wuod Neri,

Jong’ad Bura 6:24

Bang’ mano, Gideon nogero ni Ruoth Nyasaye kendo-mar-misango kanyo, mochako ni, ‘Jehova Shalom’, (tiende ni, Ruoth Nyasaye en kue.) Kendono pod ni Ofra kuno e piny jo-Abieze, nyaka chil kawuono.