Ezra 3:13 - MUMA MALER 2015

¹³ Ji ne ok nyal pogo ywak gi mor, nikech koko mar ji ne duong’, kendo ne nyalo winjore gi kuma bor ahinya.

Motingʼo Loko Manyien

¹³ Onge ngʼama ne nyalo pogo dwol mar goyo koko mar ilo gi dwol mar ywak, nikech ji nogoyo koko matek, kendo dwolno nowinj gi kuma bor.

Ezra 3:13 ပူးပေါင်းရင်းမြစ်များ

1 Ruodhi 1:40

Bang’e ji duto noluwe ka giduoge; ne gigoyo asili, kendo ne gimor gi mor maduong’, mi piny noyiengni nikech koko margi.

1 Ruodhi 1:45

kendo Zadok jadolo gi Nathan janabi, josewire gi mo but soko Gihon, mondo obed ruoth. Koro gisea kuro gi ilo; emomiyo dala otimo mahu kendo mano e koko musewinjo.

Ezra 3:12

To thoth jodolo gi jo-Lawi kod jodong dhoudi mane koro hikgi oniang’, kendo ma noseneno Hekalu mokwongo, noywak, koneno ka mise mar odni oketi. To ji mang’eny nokok matek nikech mor mane gin go.

Ezra 4:1

Kane wasik jo-Juda gi jo-Benjamin owinjo ni joma oa e tuech koro gero Hekalu ni Ruoth Nyasaye ma Nyasach Israel,

Nehemia 12:43

Misango maduong notim chieng’no, kendo ji nobedo mamor nikech Nyasaye nosetimonigi gima omiyo gimor ahinya. Kata mana mon gi nyithindo bende nodoko mamor, kendo mahu mar mor mane otimore Jerusalem ne winjore gi kuma bor.

Zaburi 5:11

We ji duto maringo iri obed mamor, kendo we giwer pile gi ilo. Rit joma oheri mondo obed mamor ahinya mana nikech in,

Jeremia 33:11

To ubiro chako winjo mor gi ilo kuondego. Dwond mon ma miehni gi chwogi bende nowinji. Unuwinj ka ji wer ka gikelo chiwo mag erokamano e Hekalu mara niya, ‘Gouru erokamano ni Ruoth Nyasaye Manyalo Gik Moko Duto, nikech ong’won kendo herane osiko.’ Abiro miyo pinyni bed maber mana kaka ne ochalo chon. An Ruoth Nyasaye ema awacho kamano.”

Jeremia 50:4

Ruoth Nyasaye wacho niya, “Ka kindeno ochopo, to jo-Israel gi jo-Juda nobi kanyakla, kaywak, kendo ka dwara, an Ruoth Nyasaye ma Nyasachgi.

Zekaria 4:7

Kata da bed ni thagruok mochomo Zerubabel dongo ka gode, to ginipie ka pewe. En ema obiro keto kidi matieko gero Hekalu, ka ji kok niya, ‘Mano kaka Hekalu ber! Ruoth Nyasaye mondo oguedhe.’ ”

Jong’ad Bura 2:5

Omiyo nochak kanyo ni Bokim, (tiende ni, joywak). Jo-Israel notimo ni Ruoth Nyasaye misengni kanyo.

1 Samuel 4:5

Kane Sandug Muma mar Ruoth Nyasaye obiro e kambi, jo-Israel duto nokok matek, ma piny omor.