Ezra 3:11 - MUMA MALER 2015

¹¹ Ne giolo wer, ka gipako kendo gigoyo erokamano ni Ruoth Nyasaye niya, “En erokamano, nimar herane kuom jo-Israel osiko nyaka chieng’.” Ji duto nopako Ruoth Nyasaye gi duol maduong’ nikech mise mar Od Ruoth Nyasaye noseketi.

Motingʼo Loko Manyien

¹¹ Ka gipako Jehova Nyasaye kendo gigoyone erokamano ne giwerne kama: “Jehova Nyasaye ber; kendo hera mare ne jo-Israel osiko nyaka chiengʼ.” To ji duto nogoyo koko matek mar Pak ne Jehova Nyasaye, nikech mise mar od Jehova Nyasaye noketi.

Ezra 3:11 ပူးပေါင်းရင်းမြစ်များ

1 Weche mag Ndalo 16:34

Gouru erokamano ni Ruoth Nyasaye, nikech ober, kendo herane mosiko ochwere.

1 Weche mag Ndalo 16:41

Daudi nomiyo Heman gi Jeduthun kod jomoko mane oyier kendo oluong gi nyingegi ni mondo obed jower magoyo erokamano ni Ruoth Nyasaye ma herane mosiko ochwere.

2 Weche mag Ndalo 5:13

Joma ne goyo tung’go kaachiel gi jower, ne wer ka pako Ruoth Nyasaye, kendo goyone erokamano. Ne gigoyo tung’ gi thumbe mopogore opogore ka gipako Ruoth Nyasaye gi wer niya, “Ruoth Nyasaye ber! Herane mosiko ochwere.”

2 Weche mag Ndalo 7:3

Kane jo-Isarel duto oneno mach kalor piny kod duong’ mar Ruoth Nyasaye ka nie Hekalu, ne gikulore piny e laru. Ne gilamo Nyasaye kendo gigoyone erokamano ka giwacho niya, “Ruoth Nyasaye ber, herane mosiko ochwere.”

Nehemia 12:24

Jotend jo-Lawi ne gin Hashabia gi Sherebia gi Jeshua gi Binui kod Kadmiel, kaachiel gi jowetegi mane giwarorego e tich pako Nyasaye kendo goyone erokamano, ka giluwo chik Daudi ng’at Nyasaye.

Nehemia 12:40

Kamano migep jower ariyogo nodhi mochung’ e Od Nyasaye, kaachiel gi an kod nus jotelo

Zaburi 100:5

Ruoth Nyasaye ber, kendo herane mosiko ochwere. Adierane bende ok norum!

Zaburi 103:17

To hera ma Ruoth Nyasaye oherogo joma oluore osiko nyaka chieng’, bende ng’wonone ochwere kuom tienge duto

Zaburi 106:1

Pakuru Ruoth Nyasaye! Bende goneuru erokamano nikech ober, kendo herane mosiko ochwere.

Zaburi 107:1

Gouru erokamano ni Ruoth Nyasaye, nikech ober, kendo herane mosiko ochwere.

Zaburi 118:1

Gouru ni Ruoth Nyasaye erokamano, nimar ober, kendo herane osiko ochwere.

Zaburi 131:1

A Ruoth Nyasaye, aseweyo ng’ayi, kendo abet mabor gi wang’ teko. Ok adwar chandora gi gik madongo, kata gi weche matek modhiera ng’eyo.

Zaburi 135:3

pakuru Ruoth Nyasaye nikech ober, kendo denduru nyinge gi wer nikech ong’won.

Zaburi 47:1

Un ogendini, pamuru gi mor! Pakuru Nyasaye, kukok matek.

Zaburi 47:5

Nyasaye oseidho malo e kome, ka ji kok gi mor. Ee, Ruoth Nyasaye oseidho e kom duong’ne, ka tung’ ywak mamit.

Wuok 15:21

Miriam nowernigi niya: “Weruru ni Ruoth Nyasaye, nikech oseyudo duong’ mipako ahinya! Osewito farese gi joithgi e nam!”

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Isaya 44:23

Koguru gi mor un polo, nimar Ruoth Nyasaye ema osetimo kamano. Un kuonde matut moloyo mag piny, gouru mahu gi mor, kendo un gode kaachiel gi bunge kod yien, weruru wende locho, nikech Ruoth Nyasaye osewaro jo-Israel ma nyikwa Jakobo, komiyogo nyinge duong’.

Isaya 6:3

Ne giluongore, ka moro ka moro kok ni wadgi niya, “Mano kaka Ruoth Nyasaye Manyalo Gik Moko Duto ler! Oler adier! Yaye mano kaka oler! Piny duto opong’ gi duong’ne.”

Jeremia 33:11

To ubiro chako winjo mor gi ilo kuondego. Dwond mon ma miehni gi chwogi bende nowinji. Unuwinj ka ji wer ka gikelo chiwo mag erokamano e Hekalu mara niya, ‘Gouru erokamano ni Ruoth Nyasaye Manyalo Gik Moko Duto, nikech ong’won kendo herane osiko.’ Abiro miyo pinyni bed maber mana kaka ne ochalo chon. An Ruoth Nyasaye ema awacho kamano.”

Hagai 2:3

‘Bende nitie ng’ato modong’ kuomu duto mane oneno Hekaluni kapod nigi duong’ne machon? Ka kamano, to tinde onene kochal nadi? Donge ochalnu ka gima onge?’

Zekaria 4:7

Kata da bed ni thagruok mochomo Zerubabel dongo ka gode, to ginipie ka pewe. En ema obiro keto kidi matieko gero Hekalu, ka ji kok niya, ‘Mano kaka Hekalu ber! Ruoth Nyasaye mondo oguedhe.’ ”

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Luka 1:50

Otimo ng’wono ni joma oluore, e tienge duto.

Joshua 6:10

To Joshua nokwero ji ni kik gikogi, kendo kik gilos nyaka chop chieng’ ma enogol chik, eka ginikog matek.

Joshua 6:16

E sa mane gilworee mar abiriyo jodolo ne goyo tung’. Eka Joshua nowacho ni jolweny niya, “Koro gueuru, nikech Ruoth Nyasaye osemiyou dalani.

Joshua 6:5

Ka giselwore kamano, to mondo gigo tung’ dichiel matek. Gikanyono muwinjoe tung’, to ji duto mondo okog matek. Eka ohinga mar Jeriko nopodh riep, kendo oganda lweny nodonj e dala, ka ng’ato ka ng’ato ochomo nyime tir.”