Ezra 3:10 - MUMA MALER 2015

¹⁰ Kane jogendo oseketo mise mar Hekalu mar Ruoth Nyasaye, jodolo morwako lep dolo, nochung’ keregi ka goyo tung’, kendo jo-Lawi ma nyikwa Asaf bende nogoyo ongeng’o ka pako Ruoth Nyasaye kaka Daudi ruodh Israel nochiko.

Motingʼo Loko Manyien

¹⁰ Ka jogedo noketo mise mar hekalu mar Jehova Nyasaye, jodolo korwako lepgi mag dolo ka gin gi turumbete, kod jo-Lawi (ma yawuot Asaf) ka gin-gi ongengʼo, nokawo keregi mondo gipak Jehova Nyasaye, kaka nochan gi Daudi ruodh Israel.

Ezra 3:10 ပူးပေါင်းရင်းမြစ်များ

1 Weche mag Ndalo 15:24

Shebania gi Jehoshafat gi Nethaneel gi Amasai gi Zekaria gi Benaya kod Eliezer ma jodolo ne goyo tung’ e nyim Sanduk mar Nyasaye. Obed-edom gi Jehia bende ne jorit dhout Sanduk.

1 Weche mag Ndalo 15:27

Daudi gi jo-Lawi duto ma noting’o Sanduk, kaachiel gi jower norwako aroche mag bafta. Daudi norwako law dolo mar bafta bende.

1 Weche mag Ndalo 16:37

Daudi noweyo Asaf kod owetene e nyim Sandug Muma mar Ruoth Nyasaye, mondo giti kanyo ndalo duto, kaka ne dwarore odiechieng’ kodiechieng’.

1 Weche mag Ndalo 16:42

Heman gi Jeduthun ne nigi tung’ gi ongeng’o kod kit thumbe moko mipakogo Nyasaye. To yawuot Jeduthun noket jorit dhoudi.

1 Weche mag Ndalo 23:5

to alufu ang’wen noket jorit dhorangeye, kendo alufu ang’wen mondo opak Ruoth Nyasaye gi thumbe mane Daudi oloso.

1 Weche mag Ndalo 25:25

mar apar gaboro Hanani,

2 Weche mag Ndalo 35:14

Bang’e ne giloso maggi giwegi kod mag jodolo, nikech jodolo ma yawuot Harun nodich gi timo misengni miwang’o pep, kod tich wang’o bor, nyaka otieno. Mano emomiyo jo-Lawi noloso maggi giwegi kod mag jodolo ma yawuot Harun.

2 Weche mag Ndalo 35:15

Jower ma yawuot Asaf ne ni keregi, kaluwore gi chik Daudi, gi mar Asaf, gi mar Heman, kod mar Jeduthun janen mar ruoth. Jorit dhorangeye bende ne rito dhorangeye duto. Onge ng’ama nonego a e tije mondo odhi olos chiemo, nikech owetegi ma jo-Lawi nosetedonigi.

2 Weche mag Ndalo 5:12

Jo-Lawi duto ma jower nochung’ yo wuok chieng’ mar kendo-mar-misango. Ne gin Asaf gi Heman gi Jeduthun kod yawuotgi gi jowetegi. Ne girwako lewni mag law katana maber, ka gigoyo ongeng’o gi thumbe mopogore opogore. Jodolo mia achiel gi piero ariyo bende ne goyo tung’.

Ezra 2:41

Kar romb jower; joka Asaf ne mia achiel gi piero ariyo gaboro.

Ezra 5:16

Omiyo Sheshbazar nogo nobiro Jerusalem moketo mise mar Od Nyasaye. Chakre chieng’no nyaka chil kawuono gedo osebedo kadhi nyime, to pok orumo.’

Zaburi 150:5

kugoyone ongeng’o! Ee, pakeuru, kugoyo ongeng’o matek!

Hagai 2:15

To paruru ane gima biro timore chakre kawuono. Kane pok uchako gero Hekalu mar Ruoth Nyasaye kendo, to ere kaka ne uchalo?

Zekaria 4:10

Adier, kawuono wachako tijni mana marachrach, to en ng’a ma dihedhre chaye, nikech ji nobed mabor koneno Zerubabel koting’o rapim migedogo e lwete.”

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Zekaria 4:7

Kata da bed ni thagruok mochomo Zerubabel dongo ka gode, to ginipie ka pewe. En ema obiro keto kidi matieko gero Hekalu, ka ji kok niya, ‘Mano kaka Hekalu ber! Ruoth Nyasaye mondo oguedhe.’ ”

Zekaria 6:12

kiwachone niya, ‘Weche ma Ruoth Nyasaye Manyalo Gik Moko Duto owacho e magi: Jali e ng’at miluongo ni Badyath. Obiro dhi nyime maber, kodongo piyopiyo kama entie, kendo obiro gero Hekalu mar Ruoth Nyasaye.

Zekaria 7:3

Ne oorogi mondo gipenj jodolo manie Od Ruoth Nyasaye Manyalo Gik Moko Duto kod jonabi niya, “Wasebedo kwaywak kendo watweyo chiemo e due mar abich, kuom higni mang’enygi, to pod onego wamed timo kamano koso?”

1 Samuel 22:18

Omiyo ruoth nowacho ni Doeg ja-Edom niya, “In dhi ineg jodolo.” Mi Doeg nodhi momwomore kuom jodolo, kendo chieng’no nonego ji piero aboro gabich, mane joting’ law dolo miluongo ni efod.