Ezra 2:65 - MUMA MALER 2015

⁶⁵ ka ok okwan wasumbgi machwo gi mamon, mane romo alufu abiriyo gi mia adek kod piero adek gabiriyo. Bende ne gin gi jower mia ariyo, machwo gi mamon.

Motingʼo Loko Manyien

⁶⁵ kiweyo jotijegi machwo kod mamon mane gin ji alufu abiriyo mia adek gi piero adek gabiriyo (7,337); kendo ne gin gi jower machwo kod mamon maromo ji mia ariyo (200).

Ezra 2:65 ပူးပေါင်းရင်းမြစ်များ

2 Samuel 19:35

Koro an jahigni piero aboro. Iparo ni pod nitie gimoro manyalo miya mor? Koso awinjo dhath gima achamo kata mar gima amadho? Iparo ni wende chwo kata wende mon pod nyalo miya ilo? Ooyo ruoth, ok owinjore amedni ting’ kayiem.

2 Weche mag Ndalo 35:25

Jeremia bende nochuogo wend ywak ni Josia, kendo jower duto, machwo gi mamon, pod wero wendno nyaka chil kawuono. Gino oselokore tim jo-Israel kendo wendno ondik e Kitap Wende Ywak.

Ezra 2:64

Ji duto mane ochokore kanyakla ne romo ji alufu piero ang’wen gariyo gi mia adek kod piero auchiel,

Ezra 2:66

Ne gin gi farese mia abiriyo gi piero adek gauchiel, gi nyumbu mia ariyo gi piero ang’wen gabich,

Nehemia 7:67

ka ok okwan wasumbgi machwo gi mamon, mane romo alufu abiriyo gi mia adek kod piero adek gabiriyo. Bende ne gin gi jower mia ariyo gi piero ang’wen gabich, machwo gi mamon

Zaburi 68:25

Jower otelo, to jogo thum luwogi, ka nyiri magoyo nyiduonge ni e diergi.

Eklesiastes 2:8

Bende ne achoko fedha gi dhahabu mane igolo e ut keno mag ruodhi mag pinje mane aloyo. Chwo gi mon ne werna mondo omiya mor, kendo ne an gi mon duto ma ng’ama dichwo nyalo dwaro.

Mathayo 9:23

Kane Yesu ochopo e od jaduong’no noyudo ji ka goyo asili, kendo ywak malit.

Luka 12:45

To ka en jatich ma paro e chunye ni ruodhe ok bi duogo piyo, to onyalo chako goyo jotich wetene, machwo gi mamon, kendo dochiem achiema, mi omethi, kendo omer.