Ezra 2:63 - MUMA MALER 2015

⁶³ Kendo ruoth nokwerogi ni kik gicham chiemo mowal ni jodolo, nyaka jadolo bedie manyalo penjo Ruoth Nyasaye wach gi ombulu miluongo ni Urim gi Thumim.

Motingʼo Loko Manyien

⁶³ Jatelo maduongʼ nomiyogi chik mondo kik gicham chiemo moro amora mopwodhi manyaka jadolo bedie ma puonjogi gi Urim kod Thumim.

Ezra 2:63 ပူးပေါင်းရင်းမြစ်များ

Wuok 28:30

“To koro mogik, nyaka iket ombulu miluongo ni Urim gi Thumim ei law agoko mar ng’ado bura, mondo gibed e kor Harun kodonjo e nyim Ruoth Nyasaye, ka Harun donjo e nyim Ruoth Nyasaye, nobed koting’o gik ng’ado bura ni jo-Israel e kore.

Kwan 27:21

Enobed kodhi ir Eleazar jadolo ma nobed ka goyone ombulu miluongo ni Urim, mondo ong’ego gima Ruoth Nyasaye dwaro. Oganda jo-Israel, kaachiel gi Joshua, nowuog oko kendo noduog dala, mana kaka Eleazar ochikogi.”

Tim jo-Lawi 2:10

To gima odong’ kuom chiwono nobed mar Harun gi yawuote. En gima ler moloyo, nikech ogole kuom misango miwang’o ni Ruoth Nyasaye.

Tim jo-Lawi 2:3

To mogo gi mo modong’ kuom chiwono nobed mar Harun gi yawuote. En gima ler moloyo, nimar ogole kuom misango miwang’o ni Ruoth Nyasaye.

Nehemia 8:9

Kane ji duto owinjo weche mag chik, ne giywak. To Nehemia ma ruoth kod Ezra ma jadolo kendo japuonj chik kaachiel gi jo-Lawi mane puonjo ji, ne jowacho ni ji duto niya, “Kawuono en odiechieng’ mowal ni Ruoth Nyasaye ma Nyasachu, omiyo kik uku, kata kik uywagi.”

Tim jo-Lawi 22:10

“Ng’ato ang’ata ma ok jadolo kik cham chiwo maler, kata en wendo molimo jadolo, kata en mana jatichne mondiki.

Nehemia 10:1

Joma noketo lwetgi ne gin Nehemia ma ruoth, ma wuod Hakalia, kod Zekaria,

Nehemia 7:65

kendo ruoth nokwerogi ni kik gicham chiemo moyang’ ni jodolo ka pok jadolo obiro manyalo penjo Ruoth Nyasaye wach gi ombulu miluongo ni Urim gi Thumim.

1 Samuel 28:6

To kane okwayo Ruoth Nyasaye wach, Ruoth Nyasaye ne ok odwoke, kata e yor lek, kata e yor Urim kata gi dho jonabi.

Rapar mar Chik 33:8

Jo-Lawi to nowuoyo kuomgi niya, “A Ruoth Nyasaye, nimiyo nyikwa Lawi ombulu miluongo ni Urim gi Thumim mondo ging’ego dwaroni, nikech gin joma tiyoni gi adiera. Ne itemogi Masa, kendo e sokni mag Meriba mi inwang’o ni gin joma inyalo geno.

Kwan 18:32

Ka usegolo ni Ruoth Nyasaye gik mabeyoe moloyo kamano, to ok unubed joketho kuom wachno, kendo ok nobed ni udwanyo gik maler ma jo-Israel ochiwo, ma dimi utho.”

Kwan 18:19

“Mich duto mag gik maler ma jo-Israel chiwo ni Ruoth Nyasaye, amiyo gi yawuoti kod nyigi, kaluwore gi chik mochwere. Mano en singruok mosiko ma ok kethre, ma Ruoth Nyasaye otimo kodi kaachiel gi nyikwayi bende.”

Tim jo-Lawi 8:8

Notueyone law agoko, moketo ombulu miluongo ni Urim gi Thumim e iye.

Tim jo-Lawi 7:16

To ka ng’ato otimo misango mochopogo kuong’ruok, kata ma otimo atima kuom herone, to jodolo nyaka chame chieng’ mochiweno kod kinyne.

Tim jo-Lawi 6:29

Ng’ato ang’ata ma dichwo ma jaodgi jadolo nyalo chamo misangono. En gima ler moloyo.

Tim jo-Lawi 6:17

Mogono asemiyo joka Harun ka migapgi kuom misengni motimna kiwang’o gi mach. En gima ler moloyo mana ka misango mar golo richo kendo ka misango mipwodhogo ketho mar gowi.

Ezra 2:64

Ji duto mane ochokore kanyakla ne romo ji alufu piero ang’wen gariyo gi mia adek kod piero auchiel,

Tim jo-Lawi 22:13

To ka chwore otho, kata ka chwore oriembe kendo oonge gi nyathi, mi oduogo dak e dalagi, to onyalo chamo chiemb wuon mare. To ng’ama ok jadolo kik cham chiemono.

Nehemia 10:2

gi Seraya gi Azaria gi Jeremia