Ezra 2:58 - MUMA MALER 2015

⁵⁸ Jotich Hekalu, kaachiel gi nyikwa jotich Solomon ne romo ji mia adek gi piero ochiko gariyo.

Motingʼo Loko Manyien

⁵⁸ Jotij hekalu kod nyikwa jotij Solomon, ji mia adek gi piero ochiko gariyo (392).

Ezra 2:58 ပူးပေါင်းရင်းမြစ်များ

1 Ruodhi 9:20

Ji duto ma nodong’ e piny Israel kuom jo-Amor, gi jo-Hiti, gi-jo-Perizi, gi jo-Hivi, kod jo-Jebus, ma ok jo-Israel,

1 Ruodhi 9:21

Solomon noloko wasumbni mochuno mondo oti gi thwon, kaka obet nyaka chil kawuono. Ne gin joma notamo jo-Israel tieko chuth.

1 Weche mag Ndalo 9:2

Joma nokwongo dak e miechgi ne gin jo-Israel gi jodolo gi jo-Lawi kod jotich Hekalu.

Ezra 2:57

gi joka Shefatia, gi joka Hatil, gi joka Pokereth-hazebaim, kod joka Ami.

Ezra 2:59

Koro magi e joma nodwogo koa Tel-mela, gi Tel-harsha, gi Kerub, gi Adan, kod Imer, to ne ok nyal ng’e anywolagi, kata ka gin koth jo-Israel adier:

Ezra 7:7

Higa mar abiriyo mar loch ruoth Artaxerxes, ema Ezra kod jo-Israel moko nodhiye Jerusalem kaachiel gi jodolo gi jo-Lawi gi jower gi jorit dhorangeye kod jotich Hekalu.

Nehemia 3:26

Pedaya wuod Parosh nochako gedo e dir Palal nyaka kama omanyore gi Ranga Pi, gi yo ka wuok chieng’ kendo momanyore gi kama oger mabor mar ng’icho mowuok oko.

Nehemia 7:60

Kar romb jotich Hekalu, kaachiel gi nyikwa jotich Solomon, duto ne romo ji mia adek gi piero ochiko gariyo.

Eklesiastes 2:7

Ne ang’iewo wasumbni ma yawuowi gi ma nyiri, bende ne an gi wasumbni mamoko monywol e dalana. Ne an gi jamni moloyo ng’ato ang’ata mane osedak Jerusalem.

Joshua 9:21

to wabiro ketogi joma baronwa yien kendo ma umbonwa pi.” Kamano jo-Israel duto noyie gi wach mane jodonggi onyisogi.

Joshua 9:23

Koro unubed joma okwedi nikech wachni, kendo e kinde duto unubed wasumbwa ma baro yien kendo ma umbo pi mitiyogo e Od Nyasachwa.”

Joshua 9:27

To chakre kanyono noketogi jobar yien kod joumb pi ni jo-Israel, kendo ni tich kendo-mar-misango mar Ruoth Nyasaye. Pod gitiyo kamano nyaka chil kawuono kamoro amora ma Ruoth Nyasaye oyiero.