Ezra 2:1 - MUMA MALER 2015

¹ Koro magi e jo-Juda ma nodok Jerusalem gi Juda koa Babulon, kuma ne Nebukadnezar ruodh Babulon oterogie tuech. Ng’ato ka ng’ato nodok e gweng’gi.

Motingʼo Loko Manyien

¹ Koro magi e joma noa e gwenge manoduogo koa e twech Babulon, kuma Nebukadneza ruodh Babulon noterogie. Negidwogo Jerusalem kod Juda, ka moro ka moro dok e dalane owuon,

Ezra 2:1 ပူးပေါင်းရင်းမြစ်များ

2 Ruodhi 25:11

Bang’e Nebukadnezar nomako ji duto mane odong’ Jerusalem motero Babulon, kaachiel gi joma ne oseringo modok ni ruodh Babulon, kod jotich molony mane pod odong’ kuno.

1 Weche mag Ndalo 9:1

Jo-Israel duto nokwan koluwore gi dhoutgi, kendo ne ondik nyinggi e Kitap Ruodhi mag Israel gi Juda kane pok odargi kiterogi Babulon e tuech nikech richogi.

1 Weche mag Ndalo 9:2

Joma nokwongo dak e miechgi ne gin jo-Israel gi jodolo gi jo-Lawi kod jotich Hekalu.

Ezra 1:11

Gik moko duto molos gi dhahabu kod molos gi fedha moromo alufu abich gi mia ang’wen. Gigo duto ema Sheshbazar nodhigo kane joma otue owuok Babulon dhi Jerusalem.

Ezra 2:2

Jotendgi ne gin: Zerubabel, gi Jeshua, gi Nehemia, gi Seraya, gi Reelaya, gi Mordekai, gi Bilshan, gi Mizpar, gi Bigvai, gi Rehum, kod Baana.

Ezra 2:70

Jodolo gi jo-Lawi kod ji mamoko nodak Jerusalem, kendo e alworane. Jower gi jorit dhorangeye gi jotich Hekalu kod jo-Israel mamoko duto, to nodak e miechgi.

Ezra 5:8

Ruoth mondo ing’e ni ne wadhi e piny Juda, mi wayudo ka jodong jo-Yahudi gero Od Nyasaye maduong’ gi kite madongo kod yien moketi e kor ot. Tich tiyore adimba, kendo odhi nyime maber e lwetgi.

Ezra 6:2

To kitabu moro noyud Ekbatana, dala ruoth manie piny Media, mondikie niya:

Ezra 8:35

Bang’e joma noduogo koa e tuech Babulon, notimo ni Nyasach Israel misengni miwang’o pep. Ne gichiwo ruedhi apar gariyo mochung’ ni jo-Israel duto, gi imbe piero ochiko gauchiel kod nyirombe piero abiriyo gariyo, kaachiel gi nyuogi apar gariyo ka misango mar golo richo. Mago duto nochiw ni Ruoth Nyasaye ka misango miwang’o te.

Nehemia 12:1

Jodolo gi jo-Lawi mane oduogo gi Zerubabel wuod Shealtiel, kendo gi Jeshua, ne gin Seraya gi Jeremia gi Ezra

Isaya 48:20

Wuoguru ua Babulon! Ee, ringuru ua kuom jo-Kaldai! Wachuru ni, Ruoth Nyasaye ema osewaro joka Jakobo jotichne. Nyisuru wachno, kuwer gi mor mar loch, kendo kulande e tung’ piny gi tung’ piny.

Jeremia 50:19

Abiro dwoko jo-Israel e pinygi, mi ginichal rombe ma kwayo e lek maber, ka gichamo cham manyak e got Karmel kendo e piny Bashan, kendo ka gichamo gik manyak e piny Efraim gi piny Gilead, mi giyieng’.

Ywagruok 1:3

Kane jo-Juda osepodho, mi othirgi, ne otergi e tuech. Koro gidak e kind ogendini, to kuondego bende ok giyudie kue. Joma ne sandogi duto osejukogi, ke gin e thagruok malich kamano.

Ywagruok 1:5

Wasike ema tinde oloye, kendo dhi nyime maber. Ruoth Nyasaye ema osekelone chandruok, nikech timbene mamono mokadho akwana. Wasike osemako nyithinde matindo, motero mabor e tuech.

Ywagruok 4:22

Kum mane okumgo jo-Sayun kuom timbegi mamono koro orumo. Ok nochak oriembgi kendo, mondo gibed wasumbni e piny wasikgi. To un jo-Edom ema Ruoth Nyasaye nokumu, kendo enoel kethou e lela.

Zefania 2:7

Jo-Juda modong’ ema nobed weg piny man e dhonam. Ginikwa jambgi e dhonam kuno, kendo giniyue e ut jo-Askelon gotieno, nimar an Ruoth Nyasaye ma Nyasachgi, abiro konyogi, mi adwoknigi gueth mane gin-go chon.

Tich Joote 23:34

Kane ruoth osesomo barua, ne openjo Paulo ni en japiny mane. To kane oseng’eyo ni en ja Kilikia,