Ezra 10:8 - MUMA MALER 2015

⁸ To ka ng’ato ok ochopo kapok ndalo adek orumo, to jotelo gi jodongo nyalo peyo gige duto, kendo ng’ado kare oko kuom oganda joma oa e tuech.

Motingʼo Loko Manyien

⁸ Ngʼato angʼata ma ok onenore e thuolo mar ndalo adek biro lalo gige duto, kaluwore gi gima jotelo kod jodongo ongʼado, kendo enodire oko mar chokruok mar joma noa e twech.

Ezra 10:8 ပူးပေါင်းရင်းမြစ်များ

Ezra 10:7

Kinyne ne ogo milome e Jerusalem kendo e piny Juda duto, ni ji duto mane oa e tuech mondo ochokre Jerusalem.

Ezra 10:9

Mi jo-Juda gi jo-Benjamin duto nochokore Jerusalem kapok ndalo adek orumo. Due piero ariyo due mar ochiko, ji duto nobet e laru manie nyim Od Nyasaye, ka kirni nikech luoro nomakogi, kendo nikech koth maduong’ ne goyogi.

Ezra 7:26

Ng’ato ma ok orito chik Nyasachi, kata chikna, to mondo okume motegno, bed ni en buch tho, kata mar dare kitere kuma bor, kata mar peyo gige, kata mar tueye.”

Nehemia 13:28

To noyudo ka achiel kuom yawuot Joyada ma wuod Eliashib jadolo maduong’ osekendo nyar Sanbalat ja-Horon. Emomiyo ne ariembe buta.

Nehemia 13:3

Kane ji owinjo chikno, ne gigolo jo-Israel ma anywola mondo oa kuomgi.

Tim jo-Lawi 27:28

“To kata kamano gima ng’ato oweyo ni Ruoth Nyasaye chuth kuom gik moko ma en go, bed ni en dhano kata chiayo kata lowo, ok onyal waro kata ng’iewo nikech gima owe ni Ruoth Nyasaye chuth en gima ler moloyo.

Mathayo 18:17

To ka otamore winjo jogo, to koro ter wachno ni kanyakla mar jolemo bende. Ka otamore winjo kata mana kanyakla mar jolemo bende, to koro kawe ka ng’at makia Nyasaye, kata ka jasol osuru mamedo gi malang’.

Johana 16:2

Ji biro riembou e ut lemo. Adier, ndalo biro ma ka ng’ato onegou, to nopar mana ni otimo gima Nyasaye morgo.

Johana 9:22

Jonywolne nodwoko kamano nikech ne giluoro jodong jo-Yahudi. Ne oyudo jodong jo-Yahudi osewinjore kendgi ni ng’ato ang’ata moyie ni Yesu e Mesia, to nyaka tam mondo kik dhi e od lemo.

Johana 9:34

To ne giwachone ni, “In nonywoli e chuny richo, to koro ere kaka dipuonjwa?” Eka ne giriembe oko e od lemo.

1 Jo-Korintho 5:13

Kamano nyaka ugol ng’at marachno oko kuomu.

Joshua 6:19

To fedha gi dhahabu duto kod gik moko molos gi mula kod molos gi nyinyo ema nobed gik mochiw ni Ruoth Nyasaye, kendo nyaka tergi e kar keno mare.”

Jong’ad Bura 21:5

Ne gipenjore kendgi ka nitie jomoko kuom dhout Israel mane ok obiro e chokruok mar Ruoth Nyasaye, nikech ne gisekuong’ore matek ni nyaka neg ng’ato ang’ata mane ok obiro Mizpa e nyim Ruoth Nyasaye.

1 Samuel 11:7

Nonego dho pur ariyo, mopogo lemo lemo. Eka nomiyogi joote, moterogi e piny Israel duto, kowacho niya, “Ng’at modagi wuok bang’ Saulo, kendo bang’ Samuel noneg dhoge mana kama.” Luoro moa kuom Ruoth Nyasaye nomako ji, mi ne giwuok giduto gi chuny achiel.