Ezra 10:5 - MUMA MALER 2015

⁵ Ezra nochung’, momiyo jotend jodolo gi jo-Lawi kod jo-Israel okuong’ore ni ginitim gima gisewachono. Mi ne gichamo muma.

Motingʼo Loko Manyien

⁵ Omiyo Ezra noa malo mi oketo jonabi gi jo-Lawi ma jotelo kod jo-Israel duto e bwo kwongʼruok mondo otim gima ne osepar. Omiyo negitimo kwongʼruokno.

Ezra 10:5 ပူးပေါင်းရင်းမြစ်များ

Ezra 10:3

Emomiyo koro wasingrueru ni Nyasachwa ni wanariemb mon-go gi nyithindgi, kaka useng’adonwa rieko, un kod jogo moluoro chik Nyasaye, kendo watimuru gima chik dwaro.

Nehemia 10:29

Ne gikuong’ore giduto kendo gichamo muma, ni ginirit chike Nyasaye mane Musa jatich Nyasaye omiyogi, kendo ni ginimak kendo ginichop chike Ruoth Nyasaye ma Nyasachgi duto.

Nehemia 13:25

Nadhaw kodgi, mi ayanyogi, to jomoko kuomgi nagoyo, mi apudho yie wigi. Kendo namiyo gikuong’ore e nyim Nyasaye ni ok giniyie jogo okend nyigi, kendo ni ok ginikend nyi jogo, kata kendogi ni yawuotgi.

Nehemia 5:12

Eka ne gisingore niya, “Wabiro dwokonigi gigo duto, kendo ok wanadwar ohala moro kuomgi.” Koro eka naluongo jodolo, mi amiyo joma noseketho okuong’ore ni ginitim gima gisewacho.

Ngeche 1:5

Ngechegi nyalo kata mana medo ng’eyo mar joma riek, kendo menyo yo ni joma nigi winjo,

Ngeche 15:23

Ka ng’ato odwoko wach maber, to obedo mamor. Adier, wach mowinjore gi sane, ber manade!

Ngeche 27:9

Mo ma iwirruokgo kod poda mang’ue ng’ar miyo ng’ato winjo maber, kendo rieko ma osiep ng’ado miyo chuny bedo motegno.

Ngeche 9:9

Bende kipuonjo ng’at man gi rieko, to omedo bedo mariek. Chutho, kinyiso ng’at makare gimoro, to omedo mana puonjore.

Mathayo 26:63

Yesu to noling’ aling’a thi. Jadolo maduong’ nowachone niya, “Aketi mondo ikuong’ri gi nying Nyasaye Mangima: Nyiswa ane ka in Kristo, Wuod Nyasaye.”