Ezra 10:18 - MUMA MALER 2015

¹⁸ Jodolo mane oyud ni osekendo nyi joma ok jo-Yahudi, ne gin Maaseya gi Eliezer gi Jarib kod Gedalia ma jaka Jeshua wuod Jozadak, gi owetene.

Motingʼo Loko Manyien

¹⁸ Kuom nyikwa jodolo, magi ema nokendo nyi joma ok jo-Yahudi. Koa e nyikwa Jeshua wuod Jozadak, kod owetene: Maseya, Eliezer, Jarib gi Gedalia.

Ezra 10:18 ပူးပေါင်းရင်းမြစ်များ

Ezra 10:17

mi ne gitieko tijno tarik achiel mar due mokwongo.

Ezra 2:2

Jotendgi ne gin: Zerubabel, gi Jeshua, gi Nehemia, gi Seraya, gi Reelaya, gi Mordekai, gi Bilshan, gi Mizpar, gi Bigvai, gi Rehum, kod Baana.

Ezra 2:36

Kar romb jodolo: joka Jedaya ma jodhood Jeshua, mia ochiko gi piero abiriyo gadek;

Ezra 3:2

Eka Joshua wuod Jozadak gi jodolo wetene kod Zerubabel wuod Shealtiel gi owetene ne jogero kendo-mar-misango mar Nyasach Israel, mondo otimie misengni miwang’o pep, kaka ondiki e chik Musa ng’at Nyasaye.

Ezra 3:8

E due mar ariyo mar higa mar ariyo bang’ duokgi e Od Nyasaye Jerusalem, Zerubabel wuod Shealtiel kod Jeshua wuod Josadak ne jochako tich, ka jodolo gi jo-Lawi gi jo-Israel wetegi duto ma noa e tuech, mobiro Jerusalem, konyogi. Ne giyiero jo-Lawi ma hikgi piero ariyo kadhi nyime, mondo orit tich Od Ruoth Nyasaye.

Ezra 5:2

Kane Zerubabel gi Shealtiel kod Jeshua wuod Jozadak owinjo wechegigo, ne gichako gero Od Nyasaye Jerusalem, kendo jonabi mag Nyasayego ne ni kodgi, ka konyogi.

Ezra 9:1

Kane osetim gigo duto, jodongo moko nobiro ira, mowachona niya, “Jo-Israel koda ka jodolo gi jo-Lawi ok osepogore moa kuom joma ok jo-Yahudi, to gitimo mana timbe makuero mane mag jo-Kanaan gi jo-Hiti gi jo-Perizi gi jo-Jebus gi jo-Amon gi jo-Moab gi jo-Misri kod jo-Amor.

Ezra 9:2

Gisekendo nyi joma ok jo-Yahudi, ma koro odak e pinyni, kendo yawuotgi bende gisekendonigi nyi jogo. Kamano oganda maler mar Nyasaye osenywandore gi joma ok jo-Yahudi. To jotelo gi jodongo ema josebedo joketho moloyoe jomoko.”

Nehemia 12:10

Jeshua nonywolo Joyakim, to Joyakim nonywolo Eliashib. Eliashib nonywolo Joyada,

Nehemia 13:28

To noyudo ka achiel kuom yawuot Joyada ma wuod Eliashib jadolo maduong’ osekendo nyar Sanbalat ja-Horon. Emomiyo ne ariembe buta.

Nehemia 8:4

Ezra japuonj chik nochung’ ewi ndiri mar bao molos ni somo chik, ka Matithia gi Shema gi Anaya gi Uria gi Hilkia kod Maaseya ochung’ e bathe ma korachwich, to Pedaya gi Mishael gi Malkia gi Hashum gi Hashbadana gi Zekaria kod Meshulam to ne jochung’ e bathe ma koracham.

Nehemia 8:7

Jeshua gi Bani gi Sherebia gi Jamin gi Akub gi Shabethai gi Hodia gi Maaseya gi Kelita gi Azaria gi Jozabad gi Hanan kod Pelaya ma jo-Lawi nohulo ni ji tiend chik, mana ka ji obet keregi.

Jeremia 23:10

Joma oseweyo Ruoth Nyasaye opong’o piny. Timbegi richo, kendo gikonyore gi tekogi e yo marach. Piny ywak kendo lege otwo nikech osekuong’gi.

Jeremia 23:11

Ruoth Nyasaye wacho niya, “Timbe jonabi gi timbe jodolo ok ler. Asejukogi ka gitimo richo kata mana e Hekalu mara!

Jeremia 23:14

To bende aseneno ka jonabi mag Jerusalem timo mana gik mamono. Giterore, to kendo giwacho miriambo, bende gijiwo joma timo richo, omiyo onge ng’ama nyalo weyo timbene maricho. Giduto gichalna gi jo-Sodom gi jo-Gomora.

Ezekiel 44:22

Bende jadolo kik kend dhako ma chwore otho, kata dhako moweyo chwore to nyaka okend mana nyako ma silili ma nyar Israel, kata chi liel ma chwore ne jadolo.

Tim jo-Lawi 21:7

Jadolo kik kend ohodho kata nyaka maonge gi ringre kata dhako ma chwore oriembo, nimar en ng’at maler mowal ni Nyasache.

Hagai 1:1

Chieng’ mokwongo mar due mar auchiel e higa mar ariyo mar loch Darius, Ruoth Nyasaye nokelo ni janabi Hagai wach mondo onyis Zerubabel wuod Shealtiel, ma jatend piny Juda, gi Joshua wuod Jehozadak, jadolo maduong’ niya,

Hagai 1:12

Zerubabel wuod Sheatiel, gi Joshua wuod Jehozadak jadolo maduong’, kaachiel gi ji moko duto mane oa e tuech nowinjo weche Ruoth Nyasaye, kaachiel gi weche mane Hagai owacho kane Ruoth Nyasachgi oore, mi luoro maduong’ nomakogi e nyim Ruoth Nyasachgi.

Hagai 2:4

Bang’e nyis Zerubabel gi Joshua wuod Jehozadak jadolo maduong’ kod ji moko duto mondo ojiwre obed motegno. An Ruoth Nyasaye ema awacho kamano.” Ruoth Nyasaye Manyalo Gik Moko Duto owacho ni, “Chakuru achaka tich, nikech an kodu,

Zekaria 3:1

Bang’e Ruoth Nyasaye nonyisa Joshua, jadolo maduong’, kochuny e nyim malaika mar Ruoth Nyasaye, kendo ne aneno Satan bende kochung’ e bad Joshua korachwich, mondo odonjne.

Zekaria 6:11

Kaw fedha gi dhahabugo mondo ilosgo osimbo, isidh ewi Joshua wuod Jehozadak jadolo maduong’,

1 Timotheo 3:11

Kamano mondgi bende nyaka bed gi tim makare, to kik gibed mon ma jokuoth, to gibed mon moritore, kendo ma jo adiera e weche duto.