Ezra 10:14 - MUMA MALER 2015

¹⁴ Koro jodongwa mondo ochung’ ni ogandawa duto, kendo jogo duto manie miechwa mosekendo nyi joma ok jo-Yahudi, mondo obi e nyim jodongo e seche moketi. Ng’ato ka ng’ato mondo obi e nyim jodonge kod jong’ad bura mag dalagi, nyaka mirimb Nyasaye man kuomwa e wachni rum.”

Motingʼo Loko Manyien

¹⁴ We jotendwa otime e lo chokruokni duto. Eka we ngʼato ka ngʼato mosekendo nyi joma ok jo-Yahudi obi e sa moketi, kaachiel gi jodongo kod jongʼad bura moa dala ka dala, nyaka mirima mager mar Nyasachwa kuom wachni ogol kuomwa.”

Ezra 10:14 ပူးပေါင်းရင်းမြစ်များ

2 Ruodhi 23:26

Kata kamano chuny Ruoth Nyasaye ne ok olendo kuom mirima mager mane okechogo gi jo-Juda nikech timbe maricho mane Manase ochwanyego.

2 Weche mag Ndalo 28:11

Koro winjuru! Weuru oweteu mane umako odhi, nimar Ruoth Nyasaye chiegni kecho kodu.”

2 Weche mag Ndalo 29:10

Koro adwaro singora ni Ruoth Nyasaye ma Nyasach Israel ni wanamak chikne, mondo chunye olend kuom mirima mager ma en go kodwa.

2 Weche mag Ndalo 30:8

Koro kik utim wichteko kaka kwereu notimo, to chiwreuru ni Ruoth Nyasaye, kendo udonj e Hekalu, ma Ruoth Nyasaye oseguedho mondo obed mare nyakachieng’. Tiuru ni Ruoth Nyasaye ma Nyasachu, mondo chunye olend kuom mirima mager ma en go kodu.

Ezra 10:13

To eri wan ji mang’eny ka, kendo en chiri, omiyo ok wanyal dhi nyime gi chung’ oko ka. To bende tijni ok bi rumo kuom odiechieng’ achiel kata kuom ndalo ariyo, nikech waseketho gi ketho maduong’ e wachni.

Ezra 10:15

Ji duto noyie timo kamano, mak mana Jonathan wuod Asahel kod Jazeya wuod Tikva, kaachiel gi Meshulam kod Shebethai ma ja-Lawi ema notimo rabala e wachni.

Zaburi 78:38

En to nokechogi, mong’wononigi kuom richogi, mi ok otiekogi. Kinde mathoth ne omwonyo mirimbe, nikech ne ok odwar kecho kodgi.

Isaya 12:1

Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

Kwan 25:4

Mowacho ni Musa niya, “Ter jotend oganda ewi got idhir olwar piny, mondo otho e nyima odiechieng’ alanga, mondo mirimba mager oa kuom jo-Israel.”

Rapar mar Chik 13:17

To kik ukaw gimoro kata achiel kuom gik monego keth chuthgo, eka mirima mager mar Ruoth Nyasaye norum, mi notimnu ng’wono kendo nomi unya kaka nosingore ni kwereu.

Rapar mar Chik 17:9

Unudhi ir jodolo ma jo-Lawi man kuno, kendo ir jang’ad bura muyudo ka nie tich kuno, mondo unyisgi wachno, kendo gin ema gining’ad bura.

Joshua 7:26

Ne gidhuro kuome kite mogundho, ma pod ni kanyo nyaka chil kawuono. Mano emomiyo pod iluongo kanyo ni Holo mar Akor, (tiende ni, holo mar masira). Eka bang’e mirimb Ruoth Nyasaye norumo.