Ezra 10:1 - MUMA MALER 2015

¹ Kane Ezra lemo kendo hulo richo, koriere piny kendo oywak e nyim Od Nyasaye, oganda jo-Israel maduong’ nobiro molwore. Ne gin chwo gi mon kod nyithindo, kendo giduto ne giywak malit.

Motingʼo Loko Manyien

¹ Kane Ezra lemo kendo hulo richo, koywak kendo kongʼielore piny e nyim od Nyasaye, oganda maduongʼ mar jo-Israel; chwo, mon kod nyithindo nochokore kolwore. Gin bende ne giywak malit.

Ezra 10:1 ပူးပေါင်းရင်းမြစ်များ

1 Ruodhi 8:30

Iwinj kwayo ma an kod jogi Israel biro kwayi ka eri. Yie iwinj e polo kama idakie, to kiwinjo, to mondo iwenwa richowa.

1 Ruodhi 9:3

Nowachone niya, “Asewinjo lemoni kod kwayoni, mi asegwedho Hekalu misegeronani. Aketo nyinga kanyo mochwere, kendo wengena kod chunya nobedie nyaka chieng’.

2 Weche mag Ndalo 20:13

Jo-Juda duto, kaachiel gi mondegi kod nyithindgi kata matindo manadi, nochung’ e nyim Ruoth Nyasaye.

2 Weche mag Ndalo 20:9

ka giwacho niya, ‘Ka gima rach obiro kuomwa, kaka lweny kata sand kata dera kata kech to wanachung’ e nyim Hekalu kendo e nyimi, nimar nyingi nika. Wanaywag e nyimi nikech masichwa, kwang’eyo ni iniwinjwa kendo inireswa.’

Ezra 10:6

Eka Ezra noa e nyim Od Nyasaye, modhi e od Jehohanan nyakwar Eliashib, monindo kuno. To ne ok ochamo gimoro kata pi ne ok omodho, nimar noywak nikech richo mane joma oa e tuech otimo.

Nehemia 1:4

Kane awinjo wachno, nabet piny maywak kuom ndalo mogwarore, ka atueyo chiemo, kendo alemo e nyim Nyasach polo.

Nehemia 1:6

Yie ichik iti kendo inen, mondo iwinj kwayona ma aketo e nyimi odiechieng’ gotieno, kakwayo ni jo-Israel. Ahulo richo ma wan jo-Israel wasetimo e nyimi. Ee, an kaachiel gi dhoodwa wasetimo richo.

Nehemia 10:28

To jomoko duto ma nopogore kuom jopinje mamoko noyie gi singruok mane jowetegi ma jotelo osetimo. Ne gin jodolo gi jo-Lawi gi jorit dhorangeye gi jower gi jotich gi nyigi, ma tiende ni ji duto mane oromo winjo tiend gima iwacho.

Nehemia 8:9

Kane ji duto owinjo weche mag chik, ne giywak. To Nehemia ma ruoth kod Ezra ma jadolo kendo japuonj chik kaachiel gi jo-Lawi mane puonjo ji, ne jowacho ni ji duto niya, “Kawuono en odiechieng’ mowal ni Ruoth Nyasaye ma Nyasachu, omiyo kik uku, kata kik uywagi.”

Zaburi 119:136

Pi wang’a mol ka aora, nikech ji ok dew rito chikni.

Zaburi 32:5

Bang’e ne ahulo richona e nyimi, kendo ne ok apando timbena mamono. Ne aneno ni ber mondo ahulni richona, mi iweyonagi duto.

Jeremia 13:17

Ka utamoru winjo siemni, to anaywagu gi chunya nikech sungau. Anaywagu malit, mi pi wang’a nochuer nyaka wang’a owre, nikech odar jo-Ruoth Nyasaye, kitero e tuech.”

Jeremia 9:1

“Mad wiya lokre soko mar pi, kendo pi wang’a lokre aora, mondo aywagi odiechieng’ gotieno nikech joga mosenegi.

Daniel 9:20

Ne adhi nyime gi lemo ka ahulo richona kod richo mag jowa, kendo ne aywak ni Ruoth Nyasacha mondo oguedh gode maler.

Hosea 14:2

Duoguru ir Ruoth Nyasaye, kendo kar kelone chiwo, to lameuru kama: “Wenwa richowa duto, kendo yie lemowa, mi wanapaki kaka wasesingore.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Mathayo 3:6

Ne gihulo richogi, kendo nobatisogi e aora Jordan.

Luka 19:41

Yesu nomedo chopo machiegni gi Jerusalem, kendo kane oneno dalano, ne oywage,

Tich Joote 10:30

Kornelio nodwoke niya, “Ndalo adek mokadho, ne oyudo alemo e oda kar sa ochiko mar odhiambo. To ne apo ka ng’at moro morwako lewni mang’angni ochung’ e nyima,

Tich Joote 21:5

To kane ndalo mane wadwaro bet kodgi orumo, ne wawuok mi wadhi nyime gi wuodhwa. Giduto kaachiel gi mondgi kod nyithindgi ne gikowowa nyaka dhonam, mi waduto ne wagoyo chongwa piny kanyo, kendo walamo Nyasaye.

Jo-Rumi 9:2

kendo Roho Maler bende nyisa ni awacho adier. An gi kuyo maduong’, kendo chunya lit pile nikech wach jowetena ma jo-Israel, ma gin joogandana kuom anywola.

Rapar mar Chik 31:12

Nyaka uchik ji duto, chwo gi mon kod nyithindo, kaachiel gi jopinje mamoko modak kuomu, mondo giwinj chikno, eka gipuonjre luoro Ruoth Nyasaye ma Nyasachu, mi girit wechene duto maber.

Joshua 7:6

Joshua gi jodong Israel noyiecho lepgi, kendo noolo buru e wigi. Ne giriere piny auma e nyim Sanduk mar Ruoth Nyasaye, mi giriyo kanyo nyaka odhiambo.

Joshua 8:35

Ne ok oweyo kata wach achiel kuom weche mane Musa osechiko, to nosomogi duto gi dwol maduong’ ni jo-Israel duto, machwo gi mamon gi joma tindo, kod joma nobiro kodgi.