Ezra 1:5 - MUMA MALER 2015

⁵ Bang’e jodong dhout Juda gi Benjamin kod jodolo gi jo-Lawi, kaachiel gi ji mamoko duto mane Nyasaye ojiwo chunygi mondo ochak oger Hekalu mar Ruoth Nyasaye man Jerusalem, noikore dhi timo kamano.

Motingʼo Loko Manyien

⁵ Eka jotend anywola mar Juda kod Benjamin, gi jodolo kod jo-Lawi, ngʼato angʼata ma Nyasaye nomulo chunye, noikore dhi kendo gero od Jehova Nyasaye man Jerusalem.

Ezra 1:5 ပူးပေါင်းရင်းမြစ်များ

2 Weche mag Ndalo 36:22

E higa mokwongo mar loch Kuros, ruodh Persia, Ruoth Nyasaye nomiyo wachne, mane Jeremia okoro, ochopo kare. Nomiyo Kuros ogoyo milome e pinye duto, kendo olando wach gi barupe,

Ezra 1:1

E higa mokwongo mar loch Kuros ruodh Persia, Ruoth Nyasaye nomiyo wachne mane Jeremia okoro, otimore. Nomiyo Kuros ruodh Persia ogoyo milome e pinje duto,, kendo olando wach gi barua, kowacho niya:

Ezra 1:2

“Ruoth Nyasaye ma Nyasach polo osemiya loch kuom pinje duto, kendo en owuon osechika mondo agerne Hekalu Jerusalem e piny Juda.

Ezra 1:4

To ng’ato ka ng’ato ma ok odhi, omi teko mar solo fedha gi dhahabu gi jamni kod gik mamoko kuom jogweng’gi, kamoro amora modakie. Mago nobed mich momedi kuom gik mane ji chiwo kuom herogi ni tich Hekalu mar Nyasaye man Jerusalem.”

Nehemia 2:12

Bang’e nakawo jomoko manok, mawuokgo gotieno, to ne ok anyiso ng’ato gima Nyasacha noseketo e chunya mondo atim ni Jerusalem. Ne waonge gi kanyna, mak mana mano mane aidho.

Ngeche 16:1

Chuny dhano nyalo chano gik modwaro timo, to mago duto nie lwet Ruoth Nyasaye.

Hagai 1:14

Bang’ mano Ruoth Nyasaye nojiwo chuny Zerubabel wuod Shealtiel ma jatend piny Juda, gi chuny Joshua wuod Jehozadak, jadolo maduong’, kod chuny ji mamoko mane oa e tuech,

2 Jo-Korintho 8:16

Wagoyo ni Nyasaye erokamano kuom miyo chuny Tito kinda mar konyou kaka wan!

Jo-Filipi 2:13

nikech Nyasaye owuon ema tiyo e chunyu, komiyou dwaro kendo timo gima long’one.

3 Johana 1:11

Osiepna, kik iluw tim marach, to luw tim maber. Ng’at matimo maber en ng’at Nyasaye, to ng’at matimo marach, to pok oneno Nyasaye.