Ezra 1:2 - MUMA MALER 2015

² “Ruoth Nyasaye ma Nyasach polo osemiya loch kuom pinje duto, kendo en owuon osechika mondo agerne Hekalu Jerusalem e piny Juda.

Motingʼo Loko Manyien

² Ma e gima Sairas ruodh Pasia wacho: “ ‘Jehova Nyasaye, ma Nyasach polo, osemiya pinjeruodhi duto manie piny kendo oseyiera mondo agerne hekalu e Jerusalem manie piny Juda.

Ezra 1:2 ပူးပေါင်းရင်းမြစ်များ

1 Ruodhi 8:27

“In Nyasaye, bende didag e piny? Ka kata polo maduong’ manadi ok nyal romi, to koro ot masegeronini direm marom nadi!

2 Weche mag Ndalo 2:12

Eka nodhi nyime kowacho niya, “Apako Ruoth Nyasaye ma Nyasach Israel, ma jachwech polo gi piny, nimar osemiyo ruoth Daudi wuowi man gi rieko kod ng’eyo ma biro gero Hekalu ni Ruoth Nyasaye kod ot ma ruoth dakie.

Ezra 1:5

Bang’e jodong dhout Juda gi Benjamin kod jodolo gi jo-Lawi, kaachiel gi ji mamoko duto mane Nyasaye ojiwo chunygi mondo ochak oger Hekalu mar Ruoth Nyasaye man Jerusalem, noikore dhi timo kamano.

Ezra 3:7

Jogedo gi jopa kite ne gimiyo pesa, to jo-Sidon gi jo-Turo ne gimiyo chiemo gi gik mimadho kod mo, mondo odhi Lebanon, okwang’ yiend sida nyaka dhowath Jopa. Kuros ruodh Persia ema nosemiyogi thuolo mar timo kamano.

Ezra 4:3

To Zerubabel gi Jeshua kod jodong dhout Israel mamoko nodwokogi niya, “Uonge tich gi ot mwagero ni Nyasachwani. Wabiro gere ni Ruoth Nyasaye ma Nyasach Israel wan kendwa, kaka Kuros, ruodh Persia, nochikowa.”

Ezra 5:15

“Kaw gigi, idhigo, mondo iket e Hekalu Jerusalem, kendo ine ni oger Hekalu mar Nyasaye kanyo kare machon.”

Ezra 6:10

Kamano mondo gitim misengni mang’we ng’ar ni Nyasach polo, kendo gilam ni ruoth gi yawuote, mondo obed mangima.

Ezra 6:3

Ruoth Kuros nogolo chik kuom Od Nyasaye man Jerusalem e higa mokwongo mar lochne, kowacho niya, “Hekaluno mondo ochak oger, mondo obed kama itimoe misengni, kendo ichiwoe mich miwang’o. Borne nyaka bed mita piero adek, to lachne bende mita piero adek.

Ezra 7:12

“An Artaxerxes, ruodh ruodhi andiko ni Ezra, jadolo kendo japuonj chik, mong’eyo chike Nyasach polo, ka awacho kama:

Nehemia 1:4

Kane awinjo wachno, nabet piny maywak kuom ndalo mogwarore, ka atueyo chiemo, kendo alemo e nyim Nyasach polo.

Nehemia 1:5

Ne alemo kama: “A Ruoth Nyasaye ma Nyasach polo, Nyasaye maduong’ kendo malich. Irito singruok mitimo gi joma oheri kendo marito chikeni, kiherogi gi hera mosiko.

Zaburi 136:26

Gouru erokamano ni Nyasach polo, nimar herane mosiko ochwere.

Zaburi 85:2

Iseweyo ni jogi richogi, kendo iseng’wononigi kuom timbegi mamono.

Ngeche 21:1

Ruoth Nyasaye ema nyiso ruoth gik monego otim, mana kaka ochiko aora kuma onego molie.

Isaya 41:2

Ng’at moa yo wuok chieng’, ma locho kamoro amora modhiye cha, ere ng’ama okele? Koso en ng’a moketo ogendini e lwete, kendo miyo oloyo ruodhi mi onyon piny? Okeyogi gi liganglane mana ka buru, kendo oriembogi gi asere, mana ka mihudhi ma yamo tero.

Isaya 44:26

To weche ma jotichna okoro, amiyo timore, kendo achopo gik ma jootena ochano. Awuoyo kuom Jerusalem ni, ji nochak odag kuno kendo, mi achak alos kuonde mokethore duto kuomgi.

Isaya 44:28

To Kuros anyiso niya, ‘Ibiro bedo jakwadha, kendo ibiro timo gik moko duto ma adwaro, kigolo chik mondo ochak oger Jerusalem, mi chak ket mise mag Hekalu kendo.’ ”

Isaya 45:1

Ruoth Nyasaye wacho ni Kuros, ruoth moseyiero niya, “Asemako lweti ma korachwich mondo ilo ogendini manie nyimi, kendo iketh teko mag ruodhi, mi iyaw dhorangeye gi dhoudi ma onge kata achiel ma nodong’ ka ochiegi.

Isaya 66:1

Ruoth Nyasaye wacho niya, “Polo e koma mar duong’, to piny e raten tienda. Kuom mano, ere kama dugernae ot? Koso ere kama dayueye?

Jeremia 10:11

Nyaka inyis jogo ni nyiseche mane ok ochueyo polo gi piny ibiro kethi. Ok ginichak gibed kamoro amora e piny.

Jeremia 27:5

ema nachueyo piny gi tekona maduong’, kendo nachueyo dhano gi le duto modakie, omiyo anyalo kete e teko ng’ato ang’ata ma ayiero.

Jeremia 29:10

Ruoth Nyasaye wacho niya, “Ka higni piero abiriyo mag loch Babulon oserumo, to anaparu mi aduogu e pinyu kachopogo singruok mane atimonu.

Daniel 1:21

Daniel nobet kuno nyaka higa mokwongo mar loch Kuros ruodh Babulon.

Daniel 2:21

En ema ochano ndalo kod chwiri gi opon, bende en ema oketo ruodhi e tich, kendo ogolo. Omiyo ji rieko kod ng’eyo.

Daniel 2:28

to nitie Nyasaye e polo malo ma elo tiend midhierni. En ema osenyisi, in ruoth Nebukadnezar, gik ma biro timore e kinde mabiro. Koro mae fweny mane ineno e lek kinindo.

Daniel 4:25

Ibiro chamo lum gi dhogi ka dhiang’ kendo ininind oko kama tho nomokie kuomi kuom higni abiriyo. Bang’e ining’e ni kara Nyasaye Maduong’ Moloyo ema nigi loch kuom piny duto mae piny, kendo onyalo keto ng’ato ang’ata modwaro obed ruoth.

Daniel 4:32

Ibiro riembi ia kuom ji, kendo ibiro dak mana gi le, kichamo lum gi dhogi ka dhiang’ kuom higni abiriyo. Bang’e ining’e ni Nyasaye Maduong’ Moloyo ema nigi loch kuom pinje duto mae piny, kendo ni onyalo keto ng’ato ang’ata modwaro obed ruoth.”

Daniel 5:23

Kar timo kamano to isepiem gi Ruodh Polo kuom kelo kikombe gi tewni mane osegol e Hekalu mare, mi umethoe. Ee, in gi jodongi kaachiel gi mondi mamoko ne umadho divai gi gigo, kupako nyiseche molos gi dhahabu gi fedha gi mula gi nyinyo gi bao kod kidi. Gin nyiseche ma ok nyal neno, kata winjo wach, kata ng’eyo gimoro. To ne ok iluoro Nyasaye morito ngimani kaachiel gi gik moko duto mitimo.

Daniel 6:25

Bang’e ruoth Darius nondiko ni ogendini duto mae piny, bed ni gia e dhoot mane, kata giwacho dhok mane, kowacho niya, “Amosou uduto gi mos mogundho.

Jona 1:9

Nodwokogi niya, “An ja-Hibrania, kendo alamo Ruoth Nyasaye ma Nyasach polo mane ochueyo nam gi piny.”