Ezra 1:1 - MUMA MALER 2015

¹ E higa mokwongo mar loch Kuros ruodh Persia, Ruoth Nyasaye nomiyo wachne mane Jeremia okoro, otimore. Nomiyo Kuros ruodh Persia ogoyo milome e pinje duto,, kendo olando wach gi barua, kowacho niya:

Motingʼo Loko Manyien

¹ E higa mokwongo mar loch Sairas ruodh Pasia, mondo ochop singo mar wach Jehova Nyasaye mane Jeremia okoro, Jehova Nyasaye nowuoyo gi chuny Sairas ruodh Pasia mondo ogol lendo e pinye duto koketo e ndiko kama:

Ezra 1:1 ပူးပေါင်းရင်းမြစ်များ

Ezra 1:5

Bang’e jodong dhout Juda gi Benjamin kod jodolo gi jo-Lawi, kaachiel gi ji mamoko duto mane Nyasaye ojiwo chunygi mondo ochak oger Hekalu mar Ruoth Nyasaye man Jerusalem, noikore dhi timo kamano.

Ezra 4:3

To Zerubabel gi Jeshua kod jodong dhout Israel mamoko nodwokogi niya, “Uonge tich gi ot mwagero ni Nyasachwani. Wabiro gere ni Ruoth Nyasaye ma Nyasach Israel wan kendwa, kaka Kuros, ruodh Persia, nochikowa.”

Ezra 6:14

Mi jodong jo-Yahudi nodhi nyime gi gedo. Weche mane Hagai janabi kod Zekaria nyakwar Iddo jokoro, nojiwogi, omiyo ne gitieko gedo kaka Nyasach Israel nochiko, kendo moluwore gi chike mag Kuros kod mag Darius.

Ezra 6:22

Ne gitimo Sap Makati ma ok Ketie Thowi kuom ndalo abiriyo ka gimor, nimar Ruoth Nyasaye nosemiyo gibedo mamor, koloko chuny ruodh Asuria mondo ohergi kendo ojiwgi e tich gero Od Nyasaye, ma Nyasach Israel.

Ezra 6:3

Ruoth Kuros nogolo chik kuom Od Nyasaye man Jerusalem e higa mokwongo mar lochne, kowacho niya, “Hekaluno mondo ochak oger, mondo obed kama itimoe misengni, kendo ichiwoe mich miwang’o. Borne nyaka bed mita piero adek, to lachne bende mita piero adek.

Ezra 7:27

Ezra nowacho niya, “Apako Ruoth Nyasaye ma Nyasach kwerewa, moseketo wach makama e chuny ruoth mondo omed ber mar Od Ruoth Nyasaye man Jerusalem,

Zaburi 106:46

komiyo joma ne oseterogi e tuech okechogi.

Ngeche 21:1

Ruoth Nyasaye ema nyiso ruoth gik monego otim, mana kaka ochiko aora kuma onego molie.

Isaya 44:28

To Kuros anyiso niya, ‘Ibiro bedo jakwadha, kendo ibiro timo gik moko duto ma adwaro, kigolo chik mondo ochak oger Jerusalem, mi chak ket mise mag Hekalu kendo.’ ”

Isaya 45:1

Ruoth Nyasaye wacho ni Kuros, ruoth moseyiero niya, “Asemako lweti ma korachwich mondo ilo ogendini manie nyimi, kendo iketh teko mag ruodhi, mi iyaw dhorangeye gi dhoudi ma onge kata achiel ma nodong’ ka ochiegi.

Jeremia 1:1

Kitabuni oting’o weche kod timbe mag Jeremia wuod Hilkia. Ne en achiel kuom jodolo modak Anathoth e piny Benjamin.

Jeremia 29:10

Ruoth Nyasaye wacho niya, “Ka higni piero abiriyo mag loch Babulon oserumo, to anaparu mi aduogu e pinyu kachopogo singruok mane atimonu.

Ezekiel 38:5

Jo-Persia gi jo-Ethiopia kod jo-Libya ni kodi. Giduto bende giting’o kuodi, kendo gisidho konde mag lweny.

Daniel 1:21

Daniel nobet kuno nyaka higa mokwongo mar loch Kuros ruodh Babulon.

Daniel 2:1

Ruoth Nebukadnezar ne oleko lek e higa mar ariyo mar lochne. Lekno nochando chunye ahinya ma ok onyal nindo.

Daniel 6:25

Bang’e ruoth Darius nondiko ni ogendini duto mae piny, bed ni gia e dhoot mane, kata giwacho dhok mane, kowacho niya, “Amosou uduto gi mos mogundho.

Daniel 9:2

an Daniel, nasomo kitepe maler, ka adwaro ng’eyo tiend higni piero abiriyo mane Jerusalem biro bedogo gunda, kaka ne Ruoth Nyasaye owacho ni Jeremia.

Johana 1:23

Eka Johana nodwokogi gi wach mane Isaya janabi okoro niya, “An e ng’at makok e thim ni, ‘Losuru ni Ruoth yo moriere tir.’ ”