Eklesiastes 9:9 - MUMA MALER 2015

⁹ Cham ngima gi chiegi e ndalo duto ma idak e ngima manono ma Nyasaye omiyini, nimar mano kende e gima niyudi kuom chandruok michandorigo e piny ka.

Motingʼo Loko Manyien

⁹ Bed mamor gi chiegi mihero e ndalo duto mar ngimani maonge tiende ma Nyasaye osemiyi e piny e ndalogi duto maonge tiendgi, nimar mano ema niyudi kuom chandruokni duto e piny ka.

Eklesiastes 9:9 ပူးပေါင်းရင်းမြစ်များ

Chakruok 26:8

Chieng’ moro kane gisedak kuno kuom kinde mogwarore, Abimelek ma ruodh jo-Filistia nong’icho gie dirisa, moneno ka Isaka gi Rebeca jotugo.

Zaburi 144:4

En mana gima nono ka yamo makudho, kendo ndalone ringo piyo ka tipo makadho.

Zaburi 39:5

Mano kaka isemiya ngima machiek manadi! Hika tin e nyimi miwuoro! Adier, dhano en mana gima nono ka yamo makudho.

Ngeche 18:22

Ng’at mokendo dhako oyudo gima ber. En gi hap Ruoth Nyasaye.

Ngeche 19:14

Dala kod mwandu ema wuon nyathi weyone. Dhako mariek to Ruoth Nyasaye ema chiwo.

Eklesiastes 2:10

Ne akawo gimoro amora mane wang’a gombo, kendo ne ok aweyo gimoro mane chunya dwaro. Gik moko mane aloso nomiya mor, kendo morno ema nobet pokna.

Eklesiastes 2:24

Kuom mano, onge gima ber ma dhano nyalo timo, mak mana chiemo gi metho kod chamo mwandu moseyudo. To kata mana mano bende ne afwenyo ni wuok mana kuom Nyasaye,

Eklesiastes 3:13

Wan waduto onego wachiem kendo wamethi kendo wabed mamor, ka wachamo mwandu ma waseyudo. Mano en gima Nyasaye ema chiwo.

Eklesiastes 3:22

Kuom mano, ne afwenyo ni kara gima dhano nyalo timo en mana chamo mwandu moseyudo, nikech mano ema Nyasaye osemiye, nimar ok onyal ng’eyo gima biro timore ka osetho.

Eklesiastes 5:18

Kuom mano, asefwenyo ni gima ber ma dhano nyalo timo en mana chiemo gi metho kod chamo mwandu moseyudo kuom kinde matin ma Nyasaye omiye mondo odaggo e piny ka. Mano e gima Nyasaye oseketo ni dhano.

Eklesiastes 6:12

Ere ng’ama nyalo ng’eyo gima ber ma dhano onego otim e ngima machiek kendo manono, makadho mana ka tiponi? Koso ere kaka ng’ato nyalo ng’eyo gima biro timore e pinyni bang’ thone?

Eklesiastes 7:15

Ngimana osebedo ngima manono, to kata kamano aseneno gik moko duto! Aseneno ni ng’ato nyalo tho piyo, kata bed ni en ng’at makare, to bende ng’ato nyalo dak aming’a, to en ng’at marach.

Malaki 2:15

Donge Nyasaye notimou ringruok achiel kendo chuny achiel kodgi? Donge otimo kamano mana ni mondo wabed gi nyithindo maluwo Nyasaye adier? Kuom mano, nyaka uritru mondo kik ng’ato kuomu keth singruok mane otimo ni dhako mane okendo ka en wuowi.