Eklesiastes 9:7 - MUMA MALER 2015

⁷ Emomiyo cham achama chiembi mondo ibed mamor, kendo madh amadha kongi mondo iwinj maber, nikech Nyasaye oseyie gi gik moko mitimo.

Motingʼo Loko Manyien

⁷ Dhiyo, icham chiemo gi mor, kendo imadh divai mari gi chuny moil, nimar sani ema Nyasaye jakori kuom gik mitimo.

Eklesiastes 9:7 ပူးပေါင်းရင်းမြစ်များ

Chakruok 12:19

Mar ang’o niwuonda ni en nyameru, mi akawe mondo obed chiega? Chiegi eri! Kawe mondo udhi!”

1 Ruodhi 8:66

To chieng’ mar aboro nomiyogi thuolo, mi gidok miechgi ka gidendo ruoth. Ne gimor kendo giil, nikech gik mabeyo duto mane Ruoth Nyasaye osetimo ni Daudi jatichne, kendo ni joge Israel.

Eklesiastes 10:19

Chiemo mabeyo miyo ng’ato bedo mamor, kendo kong’o bende miyo ng’ato winjo maber, to gigo ok yudre ka pesa onge!

Eklesiastes 11:8

Ka ng’ato odak aming’a to onego ogo erokamano kuom hignigo duto, koparo ni kosetho, to ndalo mudho nobed mang’eny moloyo! Kuom mano, gik moko duto mabiro gin mana kayiem nono.

Eklesiastes 5:18

Kuom mano, asefwenyo ni gima ber ma dhano nyalo timo en mana chiemo gi metho kod chamo mwandu moseyudo kuom kinde matin ma Nyasaye omiye mondo odaggo e piny ka. Mano e gima Nyasaye oseketo ni dhano.

Eklesiastes 7:14

Ka gik moko dhini maber, to bed mamor. To ka chandruok ema omaki, to nyaka ipar ni Nyasaye kelo mor, bende okelo chandruok, omiyo ok inyal ng’eyo gima kiny notimre kiny.

Eklesiastes 8:15

Kuom mano, aneno ni ng’ato nyaka cham raha, nikech onge mor ma dhano nigo mak mana chiemo gi metho kod chamo mwandune. Mano e pok moyudo kuom tich matek motiyo e kinde ma Nyasaye omiyego ngima e piny ka.

Kwan 6:20

Eka jadolo nochiwgi ni Ruoth Nyasaye ka mich moyiedhi. Lemogo kaachiel gi agoko kod em michiwo ni Ruoth Nyasaye ka mich moyiedhi, gin gik maler, omiyo gidong’ ni jadolo. Bang’ timo mago duto, ja-Nazirno koro nobed gi thuolo mar madho divai.

Mariko 7:29

Kane Yesu owinjo kamano, nowachone niya, “Koro dhi adhiya dala, nikech gima iwachono. Jachien osewuok kuom nyari.”

Luka 11:41

To chiwuru ni joma odhier gik ma un-go, eka gik moko duto nobednu maler.

Johana 4:50

To Yesu nodwoke ni, “Dhiyo, wuodi ngima!” Ng’atno noyie wach Yesu, modhi.

Tich Joote 10:35

Oyie gi ng’ato ang’ata moluore, kendo matimo gik makare, bed ni oa e oganda mane!

Rapar mar Chik 12:12

Beduru mamor e nyim Ruoth Nyasaye ma Nyasachu, un gi yawuotu gi nyiu kod wasumbu machwo gi mamon, kaachiel gi jo-Lawi modak e miechu, nikech jo-Lawi onge gi piny mopognigi kaka opognu.

Rapar mar Chik 12:7

Unuchiem kanyo e nyim Ruoth Nyasaye ma Nyasachu, kendo un gi jouteu unubed mamor, nikech Ruoth Nyasaye ma Nyasachu oseguedho gik moko duto mutimo.

Ruth 3:7

Kane Boaz osechiemo kendo ometho morome, nodhi monindo but pidh cham. Eka Ruth nolidho, moelo gir um gi yo ka tiende, kendo onindo kanyo.