Eklesiastes 9:5 - MUMA MALER 2015

⁵ Chutho, joma ngima ong’eyo ni gibiro tho. Joma otho to ok ong’eyo gimoro kata matin! Onge pok ma gibiro chako yudo, kendo wich owil kodgi chuth.

Motingʼo Loko Manyien

⁵ Nimar joma ngima ongʼeyo ni gibiro tho, to joma osetho ok ongʼeyo gimoro amora; gionge gi mich moro machielo, kendo wich wil kodgi ma ok nyal pargi.

Eklesiastes 9:5 ပူးပေါင်းရင်းမြစ်များ

2 Samuel 14:14

Waduto wabiro tho, nikech wachalo gi pi mopukore piny, ma ok nyal twom kendo. Kata kamano, Nyasaye ok dwar mondo ng’ato otho, to oloso wach mondo jal moriemb oduog dala.

Ayub 14:21

Kata bed mana ni yawuote yud duong’, to en ok ong’e, kata ka giyudo wich kuot, to ok one.

Ayub 30:23

Ang’eyo ni idwaro tera e tho, kuma ji duto ochomo.

Zaburi 109:15

Pile Nyasaye onego par richo ng’atno, to en owuon onego wich wil kode chuth,

Zaburi 6:5

Piny Joma Otho ok parie. Onge ng’ama nyalo paki kuno.

Zaburi 88:13

A Ruoth Nyasaye, aluongi mondo ikonya. Alami okinyi kokinyi.

Eklesiastes 1:11

Tieng’wani ok par joma chon, mana kaka tieng’ mabiro luwo bang’wa ok noparwa.”

Eklesiastes 2:16

Onge ng’ama paro joma riek kosetho, mana kaka joma ofuwo bende ok par. Wan duto wich biro wil kodwa e ndalo mabiro. Joma riek gi joma ofuwo nyaka tho duto machalre. Ee, waduto nyaka watho!

Eklesiastes 7:2

Ber dhi e dala ma iywagoe ng’at motho, moloyo dhiyo kama itimoe mor, nikech pile joma ngima nyaka par ni tho ema ochikowa waduto.

Eklesiastes 8:10

Bende ne aneno ka joricho biro, kendo donjo adonja Kama Ler. To kata kamano ne giwuotho awuotha e dala koni gi koni, ka gisungore ni gima gisetimono ok rach. To mano bende en tim manono.

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Eklesiastes 9:4

To kata kamano, ng’ato ang’ata mapod ngima e pinyni nigi gima ogeno, nimar ber bedo guok mangima, moloyo bedo sibuor motho!

Isaya 26:14

Joma otho ok nochak obed mangima. Adier, joma osenindo e liel ok nochak ochier. Mano emomiyo isekumo ruodhigo mi itieko, kendo imiyo wich owil kodgi.

Isaya 63:16

In e wuonwa, omiyo kik idagi konyowa. Kata obedo ni Ibrahim ok ong’eyowa, kendo Israel ok oyie ni wan joge, to in Ruoth Nyasaye, in e wuonwa, kendo in e jawarwa nyaka nene.

Luka 20:32

Bang’e dhakono bende notho.

Jo-Hibrania 9:27

Ng’ato ka ng’ato nyaka tho mana dichiel kende, to bang’ mano Nyasaye yale.