Eklesiastes 9:2 - MUMA MALER 2015

² To mano onge wach, nikech gimoro achiel ema timore ni ng’at makare kod ng’at ma jaricho, bende ema timore ni ng’at maler, kod ng’at ma ok ler, kendo ni joma lamo Nyasaye gi joma ok lame. Onge pogruok manie kind ng’at malong’o gi ng’at ma jaricho, kata manie kind ng’at makuong’ore ni biro chiwo gimoro ni Nyasaye, kod ng’at ma oluoro kuong’ruok kamano.

Motingʼo Loko Manyien

² Gimoro achiel ema timore ni ngʼat makare gi ngʼat ma jaricho, ngʼat maler, gi ngʼat ma ok ler, ngʼat malamo Nyasaye, gi ngʼat ma ok lam Nyasaye. Bende onge pogruok mantie e kind ngʼat malongʼo, gi ngʼat ma timbene mono, kata manie kind ngʼat makwongʼore ni biro chiwo misango ni Nyasaye kod ngʼat moluoro kwongʼruok ma kamano.

Eklesiastes 9:2 ပူးပေါင်းရင်းမြစ်များ

Chakruok 24:3

Adwaro ni mondo ikuong’rina e nyim Ruoth Nyasaye ma Nyasach polo gi piny ni ok ninywom ni wuoda nyar piny Kanaan madakieni,

Ayub 9:22

nimar Nyasaye tiekowa, kata ka wan gi ketho, kata ka waongego.

Zaburi 73:3

nikech nyiego ne omaka gi josunga, ka aneno kaka joricho mew.

Eklesiastes 2:26

Nyasaye ema miyo joge mohero rieko gi ng’eyo kod mor. Joricho to omiyo tiyo matek ka choko mwandu mana ni mondo mwandugo omi mana ng’ama ohero moloyo. Emomiyo mano bende en mana gima nono ka yamo makadho.

Eklesiastes 3:19

Chutho, gimoro achiel ochomo dhano gi le machalre. Dhano tho mana kaka le bende tho. Adier, giyueyo mana machalre.

Eklesiastes 6:6

moloyo ng’at ma odak higni gana gi gana, to onge gi mor. To bende giduto gidhi mana kanyachiel!

Eklesiastes 7:18

To bed mana e diere. Ka itimo kamano, kendo iluoro Nyasaye, to inidhi nyime maber.

Eklesiastes 7:2

Ber dhi e dala ma iywagoe ng’at motho, moloyo dhiyo kama itimoe mor, nikech pile joma ngima nyaka par ni tho ema ochikowa waduto.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Jeremia 43:6

Ne gin chwo gi mon gi nyithindo koda ka nyi ruoth. Ne okawo ng’ato ang’ata mane Nebuzaradan ma jatend lweny maduong’ oseweyo e lwet Gedalia mondo oriti. Jeremia gi Baruk bende ne gidhigo.

Malaki 3:15

Waneno ka joma josunga ema nigi mor. Joma timbegi richo dhi maber ahinya, to bende gitemo Nyasaye gi timbegi marichogo, to onge gima timogi.’ ”

Malaki 3:18

Bang’ mano unune pogruok manie kind joma richo, kendo e kind joma tiyona gi joma ok tina.”

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

1 Samuel 14:26

Kane gidonjo e bunguno, ne gineno mor kich ka ton, to onge ng’ato ma notero lwete e dhoge, nikech ne giluoro kuong’.