Eklesiastes 9:1 - MUMA MALER 2015

¹ Ne aketo chunya kuom kinde mang’eny, ka aparo, mi afwenyo ni joma riek kod joma kare, ni e lwet Nyasaye, kaachiel gi timbegi koda ka hera gi sigu ma gin go. Onge ng’ama ong’eyo kata mana gimoro achiel ma biro timorene.

Motingʼo Loko Manyien

¹ Omiyo ne arango gigi duto kendo atieko ni ngʼama kare kod ngʼat man-gi rieko to gi gima gitimo ni e lwet Nyasaye, to onge ngʼama ongʼeyo ni hera kata achaya rite.

Eklesiastes 9:1 ပူးပေါင်းရင်းမြစ်များ

Ayub 12:10

Nyasaye ema rito ngima gik mochueyo, kendo much ji duto ni e lwete.

Ayub 27:12

To bende kata ka ok anyisou, to useneno gi wang’u, koro ere gima omiyo uwacho weche manono?

Ayub 5:8

Omiyo ka da bed ni an e in, to da adhi ir Nyasaye, mi aterone ywakna,

Zaburi 10:14

To adier ineno joma chandore kendo mokuyo, bende pile iikori mar konyogi. Ng’at ma ok nyal konyore chiwore e lweti, nikech pile isebedo kikonyo jochan gi nyithind kiye.

Zaburi 119:109

Pile ngimana nie masira, to kata kamano pok wiya owil gi chikni.

Zaburi 31:5

A Nyasaye, aketora e lweti mondo iwara, nimar in Nyasaye ma jaadiera.

Zaburi 73:3

nikech nyiego ne omaka gi josunga, ka aneno kaka joricho mew.

Ngeche 16:3

Ket gik moko duto mitimo e lwet Ruoth Nyasaye, eka itimgi maber.

Eklesiastes 1:17

Ne aseketo chunya mondo apuonjra kendo ang’e pogruok manie kind ng’eyo gi fuwo, kendo manie kind rieko gi memruok. To asefwenyo ni mano bende en mana gima nono, ka yamo makadho.

Eklesiastes 10:14

kendo owuoyo awuoya ma ok oling’! Onge ng’at ma ong’eyo gima biro timore kiny. Kose ere ng’ama nyalo nyisowa gima biro timore bang’ thowa?

Eklesiastes 7:15

Ngimana osebedo ngima manono, to kata kamano aseneno gik moko duto! Aseneno ni ng’ato nyalo tho piyo, kata bed ni en ng’at makare, to bende ng’ato nyalo dak aming’a, to en ng’at marach.

Eklesiastes 7:25

To kata kamano, ne aketo chunya mondo apuonjra rieko. Ne adwaro yudo rieko mondo ang’ego tiend weche mane akia, kendo mondo afweny ni ng’at mofuwo en jaricho kendo janeko.

Eklesiastes 8:14

To mano nono, nikech kinono gik matimore e piny, to ibiro yudo ni sa moro joma kare yudo kum ma joricho ema onego oyudi, to joricho yudo pok ma joma kare ema onego yudi. Mano emomiyo awacho ni gik moko duto onge tich.

Eklesiastes 8:16

Kane aketo chunya mondo ayud rieko, kendo ang’e tiend gik matimore e piny, to ne afwenyo ni kata ka ng’ato osiko ka neno otieno gi odiechieng’ ma ok nindi,

Eklesiastes 8:7

Onge ng’ato kata achiel mong’eyo gima biro timore, to bende ere ng’ama dinyiswa?

Eklesiastes 9:6

Hera kod sigu kaachiel gi gombo mane gin go nosetho kodgi. Ok ginichak gine gimoro amora matimore e piny ka.

Isaya 26:12

A Ruoth Nyasaye, inimiwa kue, nikech gik moko duto ma wasetimo, in ema itimonwa.

Jeremia 43:6

Ne gin chwo gi mon gi nyithindo koda ka nyi ruoth. Ne okawo ng’ato ang’ata mane Nebuzaradan ma jatend lweny maduong’ oseweyo e lwet Gedalia mondo oriti. Jeremia gi Baruk bende ne gidhigo.

Rapar mar Chik 33:3

Adier, ohero joge maler, kendo oguedhogi. Giluwe kamoro amora modhiye, kendo giwinjo chikene

2 Timotheo 1:12

Mano ema omiyo aneno masira kama, to wiya ok nyal kuot, nikech ang’eyo Jal mane ayie kuome, kendo aonge gi kiawa ni gima asemiye, onyalo ritona nyaka chop chieng’ Bura.

1 Petro 1:5

Adier obiro ritou nyaka chop warruok, ma oselosi mondo oel e chieng’ giko, bi.

1 Samuel 2:9

Orito tiend joge ni kik chwanyre, to joricho lal e mudho, nikech teko ng’ato owuon ok nyal miye loch.