Eklesiastes 8:9 - MUMA MALER 2015

⁹ Kane aparo gik moko matimore e piny ka, to ne aneno gigo duto, mi afwenyo ni ji moko nigi teko, kendo ji moko odak kathagore e bwogi.

Motingʼo Loko Manyien

⁹ Magi duto ne aneno, kane aketo pacha e gik moko duto mitimo e piny. Nitie kinde moro ma ngʼato sandoe jowetegi to en owuon ema ohinyore.

Eklesiastes 8:9 ပူးပေါင်းရင်းမြစ်များ

2 Ruodhi 25:7

Ne ginego yawuot Zedekia e wang’e koneno, eka ne gitoko wengene oko, kendo gitueye gi nyororo, mi gitere Babulon.

Wuok 14:28

Pi noduogo, moimo geche lweny gi joidh farese kod jolweny duto mag Farao ma nolawo jo-Israel ei nam. Onge kata ng’at achiel mane odong’.

Eklesiastes 1:14

Aseneno gik moko duto matimore e piny ka mi afwenyo ni gionge tich, mana ka yamo makadho.

Eklesiastes 3:10

Koro ang’eyo tich ma Nyasaye osechanonwa.

Eklesiastes 3:16

Bende aseneno ni e pinyni, kama adiera gi bura onego bedie, to richo ema betie.

Eklesiastes 4:1

Bang’e ne achako arango timbe ma isandogo ji e pinyni, mi ne aneno joma isando kaywak, to onge ng’ama konygi, nikech joma ne sandogi ne nigi teko mathoth.

Eklesiastes 5:13

Gima lich ma aseneno e pinyni en ni ji kano pesa mondo chieng’ moro okonygi,

Eklesiastes 5:7

Kata ka lek medore, kendo weche manono bedo mathoth, to pod onego iluor aluora Nyasaye.

Eklesiastes 5:8

Ka ineno ka piny moro sando joge modhier, ka timonigi marach, kendo tuonogi gik monego giyudi, to kik ibuogi, nimar jatelo ka jatelo nigi ng’at moloye gi duong’, kendo giduto bende gin gi joma dongonigi.

Eklesiastes 7:25

To kata kamano, ne aketo chunya mondo apuonjra rieko. Ne adwaro yudo rieko mondo ang’ego tiend weche mane akia, kendo mondo afweny ni ng’at mofuwo en jaricho kendo janeko.

Eklesiastes 7:7

Ka ng’at mariek owuondo ng’ato, to odoko mofuwo, bende ka ng’ato ochamo asoya, to okethore kende owuon.

Rapar mar Chik 2:30

To kata kamano, Sihon ruodh Heshbon nodagi miyowa thuolo mondo wakadhi, nimar Ruoth Nyasaye ma Nyasachu nomiyo toke odoko matek mondo ochiwe kaachiel gi pinye e lwetu, kendo uneno ka pinyno pod marwa nyaka chil kawuono.