Eklesiastes 7:9 - MUMA MALER 2015

⁹ Kik iyi wang’ piyo, kendo kik ibed gi sadha e chunyi, nikech joma ofuwo ema timo kamano.

Motingʼo Loko Manyien

⁹ Kik ibed ngʼama chwanyore piyo e chunye; nikech joma ofuwo ema timo kamano.

Eklesiastes 7:9 ပူးပေါင်းရင်းမြစ်များ

Chakruok 4:8

Kain nowacho ni Habil omin mare ni mondo gidhi giba, to ka ne gisedhi e thim kuma bor gi dala, nogoyo Habil monego.

2 Samuel 13:22

Absalom bende ne ok owacho ni Amnon kata wach achiel, nimar nosin kode kuom kuodo wi Tamar nyamin mare.

2 Samuel 13:28

Absalom noloso chiemo mathoth, to noyudo osewacho ni jotichne niya, “Ka Amnon osemer, mi awachonu ni, ‘Negeuru,’ to unege. Kik uluor, nikech an awuon ema achikou. Beduru gi chir, kuikoru.”

2 Samuel 13:32

To Jonadab, wuod Shimea ma owadgi Daudi, nowacho niya, “Ruoth, kik ipar ni gisenego yawuoti duto, Amnon kende ema osetho. Absalom nochako ochano wachni chakre chieng’ mane Amnon okuodoe wi Tamar nyamin mare.

2 Samuel 19:43

Jo-Israel nodwoko jo-Juda kendo niya, “Wan dhoudi apar e piny Daudi, omiyo owinjore wabed kode moloyo un! Marang’o ujarowa? Donge wan ema ne wakwongo paro wach duogo ruoth?” To kata kamano weche jo-Juda ne ger moloyo weche jo-Israel.

Ngeche 14:17

Ng’at ma iye jawang’ piyo timo gik mofuwo. Ng’at mariek to hore mos.

Ngeche 14:29

Ng’at ma iye ok wang’ piyo ema nigi rieko mang’eny, to ng’at ma mirimbe liet nyiso mana fupe.

Ngeche 16:32

Herruok ber moloyo doko ratego. Ng’at moritore owuon yudo duong’ moloyo ng’ama kawo dala maduong’.

Ngeche 25:8

Kik irikni hulo ni ng’ato gimoro amora mineno, dipo ka wadu moro obiro mong’eng’i marach.

Eklesiastes 7:10

Bende kik ipenjri gimomiyo chon gik moko ne dhi maber moloyo ndalogi, nikech mano en penjo mofuwo.

Jona 4:3

Omiyo koro kaw ngimana, A Ruoth Nyasaye. Da ber katho, moloyo bet mangima!”

Jona 4:8

Kane chieng’ owuok, Nyasaye nokelo yamb ugue maliet, mi chieng’ ochamo wi Jona, kendo nong’no otere. Kuom mano, nogombo mondo otho, kowacho niya, “Da ber katho, moloyo bet mangima.”

Jona 4:9

To Nyasaye nopenje niya, “Iparo ni ber kikecho kuom tho otangle?” Nodwoko niya, “Ee, ber ka akecho, kata mana nyaka tho!”

Mariko 6:19

Mano nomiyo Herodia obedo mamon gi Johana, kendo nodwaro nege, to ne ok onyal,

Mariko 6:24

Kuom mano, nyakono nowuok modhi openjo min mare gima onego okwa. Min mare nodwoke ni, “Kwa mana wi Johana Jabatiso.”

Jakobo 1:19

Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.