Eklesiastes 7:7 - MUMA MALER 2015

⁷ Ka ng’at mariek owuondo ng’ato, to odoko mofuwo, bende ka ng’ato ochamo asoya, to okethore kende owuon.

Motingʼo Loko Manyien

⁷ Ka ngʼat mariek mayo ji to obedo ngʼama ofuwo, to ngʼama kawo asoya kethore kende owuon.

Eklesiastes 7:7 ပူးပေါင်းရင်းမြစ်များ

Wuok 23:8

Kik ucham asoya nikech asoya mono kata ng’at maber wacho adiera, kendo owito buch ng’at ma onge gi ketho.

Ngeche 17:23

Jong’ad bura maricho chamo asoya ling’ling’ mondo oketh bura.

Ngeche 17:8

Ng’at mohero chiwo asoya paro ni asoya tiyo ka bilo, omiyo gik moko motimo dhi nyime maber.

Eklesiastes 4:1

Bang’e ne achako arango timbe ma isandogo ji e pinyni, mi ne aneno joma isando kaywak, to onge ng’ama konygi, nikech joma ne sandogi ne nigi teko mathoth.

Eklesiastes 5:8

Ka ineno ka piny moro sando joge modhier, ka timonigi marach, kendo tuonogi gik monego giyudi, to kik ibuogi, nimar jatelo ka jatelo nigi ng’at moloye gi duong’, kendo giduto bende gin gi joma dongonigi.

Eklesiastes 8:9

Kane aparo gik moko matimore e piny ka, to ne aneno gigo duto, mi afwenyo ni ji moko nigi teko, kendo ji moko odak kathagore e bwogi.

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Isaya 33:15

Ng’atno nyaka bed mana ng’at ma timbene oriere, kendo ma wacho adiera, bende ma ok dwar mwandu miyudo gi malang’, kendo ma riembo asoya kucha, bende ma dino ite ni weche mag chwero remo, kendo ma umo wang’e ni timbe mamono.

Rapar mar Chik 16:19

Kik ung’ad buch amwor kata buch nyakonchiel, to bende kik ucham asoya, nimar asoya mono kata mana ng’at mariek wacho adiera, kendo wito buch ng’at ma onge ketho.

Rapar mar Chik 28:65

Ka un e kind ogendinigo, to ok nuyud kue, to unuriwni e kindgi, kendo Ruoth Nyasaye nomi ubed gi parruok, gi wenge mojony, kod chuny mokuyo.

1 Samuel 12:3

Era e. Koro donjnauru e nyim Ruoth Nyasaye, kendo e nyim ruoth moseyiero mowir. Rwadh ng’a, kata kanj ng’a masekawo? Ere ng’a ma asemayo gire? Koso ere ng’ama asethiro? Kata en ng’a ma asekawo asoya kuome, madinogo wang’a? Ng’eng’auru, mondo adwoknugo.”

1 Samuel 21:14

Eka Akish nowacho ni joge niya, “Neuru! Neko omako ng’atni. Marang’o ukele ira?

1 Samuel 8:3

Yawuotego ne ok oluwo timbene, to ne giketho bura, ka gibaro kuom dwaro mwandu malang’, kendo kuom chamo asoya.