Eklesiastes 7:5 - MUMA MALER 2015

⁵ Ber mondo ng’at mariek okweri gimoro, moloyo yudo pak kuom joma ofuwo,

Motingʼo Loko Manyien

⁵ Ber mondo ichik iti ne siem ngʼat man-gi rieko, moloyo chiko iti ne wend joma ofuwo.

Eklesiastes 7:5 ပူးပေါင်းရင်းမြစ်များ

Zaburi 141:5

Ng’at makare nyalo kuma, kendo kwera gi ng’wono, to ok nawe jaricho wir wiya gi mo, nikech pile alemo mondo timbene maricho okethre.

Zaburi 69:12

Gikuodha e dala, kamoro amora ma giwuothoe kendo jomer chuogona wer ma gijarago.

Ngeche 13:13

Kitamori winjo puonj, to idwaro mana chandruok, to kiwinjo gima iwachoni, to iyudo pok maber.

Ngeche 13:18

Ng’at madagi ni kik rieye bedo mana jachan, kendo yudo wichkuot, to ng’at machiko ite ka ikwero, yudo duong.

Ngeche 17:10

Kikwero ng’at mariek dichiel kende, to opuonjore maber, moloyo ng’at mofuwo migoyo ndalo mia achiel, eka winj gimoro.

Ngeche 25:12

Siem ma ng’at mariek siemogo ng’at ma chiko ite, ber moloyo tere mar dhahabu, kata tigo molos gi dhahabu.

Ngeche 27:6

Osiepni, kata ka ogoyi, to otimo kamano nikech oheri. Jasigu to kata ka omosi gi mor, to mosneno oting’o masira.

Ngeche 6:23

Chike ma kamago gin ler marieny, kendo kwer ma ikwerogo ng’ato kuom gima otimo marach kelo ngima.

Ngeche 9:8

Kuom mano, kik item rieyo ng’at ma jasunga, nikech mano biro miyo obet mamon kodi. To ka irieyo ng’at man gi rieko, to obedo osiepni.

Eklesiastes 12:11

Weche mag joma riek chalo gi ludhe ma jokwath kwayogo rombe, kata ka musmande ma ogo matek. Nyasaye ma jakwadhwa achiel kende waduto, ema osechiwo wechego.

Eklesiastes 7:4

Ng’at maparo mana mor pile en ng’at mofuwo. Ng’at mariek to wiye ok wil gi tho.

Eklesiastes 9:17

To chutho, en gima ber chiko it ni weche mamuol ma ng’at mariek wacho, moloyo winjo weche ma ruoth kokgo e buch joma ofuwo.

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.