Eklesiastes 7:2 - MUMA MALER 2015

² Ber dhi e dala ma iywagoe ng’at motho, moloyo dhiyo kama itimoe mor, nikech pile joma ngima nyaka par ni tho ema ochikowa waduto.

Motingʼo Loko Manyien

² Ber mondo idhi e od kuyo moloyo ot mitimoe nyasi, nimar tho e giko ngʼato ka ngʼato; joma pod ngima nyaka ngʼe ma e chunygi.

Eklesiastes 7:2 ပူးပေါင်းရင်းမြစ်များ

Zaburi 90:12

Kuom mano, puonjwa wakwan ndalo ngimawa, mondo wabed gi rieko.

Eklesiastes 2:14

Ji mariek nyalo neno kuma dhiye. Joma ofuwo to ok nyal neno. To kata kamano ang’eyo bende ni waduto wachomo mana kamoro achiel.

Eklesiastes 2:16

Onge ng’ama paro joma riek kosetho, mana kaka joma ofuwo bende ok par. Wan duto wich biro wil kodwa e ndalo mabiro. Joma riek gi joma ofuwo nyaka tho duto machalre. Ee, waduto nyaka watho!

Eklesiastes 3:19

Chutho, gimoro achiel ochomo dhano gi le machalre. Dhano tho mana kaka le bende tho. Adier, giyueyo mana machalre.

Eklesiastes 3:20

Giduto ne gia kuom lowo, kendo kanyo ema ginidogie giduto. Kamano giduto gidhi kama chalre.

Eklesiastes 6:6

moloyo ng’at ma odak higni gana gi gana, to onge gi mor. To bende giduto gidhi mana kanyachiel!

Eklesiastes 9:2

To mano onge wach, nikech gimoro achiel ema timore ni ng’at makare kod ng’at ma jaricho, bende ema timore ni ng’at maler, kod ng’at ma ok ler, kendo ni joma lamo Nyasaye gi joma ok lame. Onge pogruok manie kind ng’at malong’o gi ng’at ma jaricho, kata manie kind ng’at makuong’ore ni biro chiwo gimoro ni Nyasaye, kod ng’at ma oluoro kuong’ruok kamano.

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Eklesiastes 9:5

Chutho, joma ngima ong’eyo ni gibiro tho. Joma otho to ok ong’eyo gimoro kata matin! Onge pok ma gibiro chako yudo, kendo wich owil kodgi chuth.

Isaya 47:7

Ne iwacho niya, “Abiro bedo ruoth nyaka chieng’.” To ne ok iparo gik mane isetimogo, kata gik ma gibiro kelo achien!

Jeremia 16:8

“Kik idonj e ot ma ji timoe sawo. Bende kik ibed piny mondo ichiem kendo imeth kodgi.

Hagai 1:5

Mano emomiyo koro an Ruoth Nyasaye Manyalo Gik Moko Duto awacho ni, nonuru timbeu!

Malaki 2:2

“Nyaka umi nyinga duong’ kuom gik mutimo. To ka ok uwinjo wachna, kendo ok utimo kaka awacho, to abiro kuong’ou, kendo anakuong’ gik moko duto mabeyo ma uyudo e tich dolo. Ee, abiro kuong’o gigo nikech udagi rito chikna.

Kwan 23:10

Ere ng’ama nyalo kwano oganda joka Jakobo, kata manyalo riwo kar romb jo-Israel? Weuru atho kaka joma kare tho, kendo abed achiel kodgi.”

Mathayo 5:4

“Joma okuyo gin johawi, nikech nohogi.

Rapar mar Chik 32:29

Ka dine giriek, to dine ging’eyo tiend gik matimore, dine ging’eyo gima biro timorenigi e giko.

Rapar mar Chik 32:46

nowachonigi niya, “Chikuru itu maber mondo uwinj weche duto ma asiemougo kawuono. Puonjuru nyithindu chikego duto, mondo girit kendo gitim, mak giweyo kata achiel,

Jo-Filipi 3:19

To notiekgi e giko, nimar igi e nyisechegi, kendo gisungore mana ni gik makelonigi wichkuot, bende giparo mana weche mag pinyni.

Jo-Hibrania 9:27

Ng’ato ka ng’ato nyaka tho mana dichiel kende, to bang’ mano Nyasaye yale.