Eklesiastes 7:14 - MUMA MALER 2015

¹⁴ Ka gik moko dhini maber, to bed mamor. To ka chandruok ema omaki, to nyaka ipar ni Nyasaye kelo mor, bende okelo chandruok, omiyo ok inyal ng’eyo gima kiny notimre kiny.

Motingʼo Loko Manyien

¹⁴ Ka gik moko dhini maber, to bed mamor, to ka chandruok omaki; to ngʼe ni Nyasaye ema oyie mondo gik moko ariyogo otimre. Emomiyo, dhano ok nyal fwenyo gimoro amora mabiro timorene e ndalo mabiro.

Eklesiastes 7:14 ပူးပေါင်းရင်းမြစ်များ

1 Ruodhi 8:47

to eka bang’e giloko parogi e piny motuegieno, mi chunygi olokore, kendo gikwayi niya, ‘Waseketho, kwatimo wich teko kod richo,’

Ayub 2:10

To Ayub nodwoke niya, “Iwuoyo mana kaka dhako mofuwo wuoyo. Ka Nyasaye okelonwa gima ber, to wakawo. Koro ere gimomiyo wang’ur kokelonwa chandruok?” Kuom mano, kata obedo ni Ayub nosechandore malit kamano, to ne ok oketho dhoge.

Zaburi 119:71

Kum misekumago berna, nikech okonya mondo apuonjra chikni.

Zaburi 40:3

Ne opuonja wer manyien mipakogo Nyasachwa. Ji mathoth moneno kamano biro bedo maluor, kendo gibiro keto genogi kuom Ruoth Nyasaye.

Eklesiastes 10:14

kendo owuoyo awuoya ma ok oling’! Onge ng’at ma ong’eyo gima biro timore kiny. Kose ere ng’ama nyalo nyisowa gima biro timore bang’ thowa?

Eklesiastes 11:9

Un joma tindo, beduru mamor e ndalo ma pod utindo. Timuru gik moko duto mudwaro, kendo yuduru gik moko duto ma chunyu gombo. To kata kamano, nyaka ung’e ni Nyasaye noyalu kuom gik moko duto mutimo.

Eklesiastes 12:13

Bang’ mago duto, gimoro achiel kende ema odong’ ma onego anyisi. En ni, luor Nyasaye, kendo rit chikene, nimar mano ema ne omiyo ochue dhano.

Eklesiastes 12:8

Emomiyo, an Jayalo, awacho niya, “Gik moko duto onge tich! Gin gik manono giduto, kendo onge gima nigi tiende kata achiel.”

Eklesiastes 3:22

Kuom mano, ne afwenyo ni kara gima dhano nyalo timo en mana chamo mwandu moseyudo, nikech mano ema Nyasaye osemiye, nimar ok onyal ng’eyo gima biro timore ka osetho.

Eklesiastes 3:4

kinde mar kuyo, gi kinde mar mor, kinde mar ywak, gi kinde mar miel,

Eklesiastes 5:17

Wadak e mudho, ka chunywa lit kendo ka waluor, bende ka wakecho kendo ka watuo.

Eklesiastes 8:7

Onge ng’ato kata achiel mong’eyo gima biro timore, to bende ere ng’ama dinyiswa?

Eklesiastes 9:7

Emomiyo cham achama chiembi mondo ibed mamor, kendo madh amadha kongi mondo iwinj maber, nikech Nyasaye oseyie gi gik moko mitimo.

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 42:25

Mano ema omiyo noolo mirimbe mager kuom jo-Israel, kokelonigi lweny maliet ka mach. Ne olworogi gi mach koni gi koni, to ne ok giwinjo tiend kumno. Adier, ne orewogi, to kata kamano ne ok gidewo.

Jeremia 23:20

Ok obi rumo kapok otieko timo gik ma adwaro. E ndalo mabiro un joga ubiro ng’eyo tiend wechegi duto malong’o!”

Ywagruok 3:38

Donge ber gi rach wuok mana kuoma Ng’ama Duong’ Moloyo?

Mika 6:9

Luoro Ruoth Nyasaye en rieko. Ruoth Nyasaye luongo jo-Jerusalem niya, “Winjuru, un joma ochokore e dalani.

Mathayo 9:13

Dhiuru mondo upuonjru tiend gima muma wacho ni, ‘Ok adwar mondo ji otimna misango, to adwaro mana ni mondo gibed mang’won.’ Ne ok abiro mondo aluong joma kare, to abiro mana ni mondo aluong joricho.”

Tich Joote 14:22

Ne gitego chuny jopuonjre ka gijiwogi mondo gisik gibed gi yie motegno, ka giwachonigi niya, “Nyaka wane masiche mang’eny, eka wadonj e Piny Ruodh Nyasaye.”

Rapar mar Chik 26:11

Bang’e un gi jo-Lawi kod jopinje mamoko modak kuomu nyaka utim sawo mondo upargo gik mabeyo duto ma Ruoth Nyasaye osetimonu kaachiel gi jou.

Rapar mar Chik 28:47

nikech ne ok utiyo ni Ruoth Nyasaye ma Nyasachu gi mor kendo gi ilo kuom chiwone mogundho.

Rapar mar Chik 8:3

Nodwokou piny, kendo nomiyo kech okayou, eka bang’e nomiyou manna mondo ucham. En chiemo mane pok uneno, kendo kwereu bende ne ok oneno. Notimo kamano mondo onyisugo ni dhano ok bed mangima nikech chiemo kende, to obedo mangima gi weche duto mawuok e dho Ruoth Nyasaye.

Rapar mar Chik 8:5

To nyaka ung’e ni Ruoth Nyasaye ma Nyasachu ne rieyou mondo opuonju mana kaka ng’ato puonjo nyathine.

Jakobo 5:13

Ka ng’ato kuomu nigi chandruok, to onego olem. To ka ng’ato nigi mor, to onego ower wende pak.