Eklesiastes 7:13 - MUMA MALER 2015

¹³ Parie gik ma Nyasaye osetimo. Ere kaka ng’ato nyalo rieyo gima Nyasaye osedolo?

Motingʼo Loko Manyien

¹³ Parane gima Nyasaye osetimo: En ngʼa manyalo rieyo gima osedolo?

Eklesiastes 7:13 ပူးပေါင်းရင်းမြစ်များ

Ayub 11:10

Kapo ni Nyasaye omaki kendo yali, to ere ng’ama ditame?

Ayub 12:14

Ka Nyasaye ema omuko gimoro, to ere ng’ama nyalo gere kendo? Koso ka Nyasaye ema oketo ng’ato e tuech, koro ere ng’ama digonye?

Ayub 34:29

Ka Nyasaye otamore timo gimoro ngang’, to onge ng’ama dikwere, kendo ka odagi konyo ji, to ji diyud thagruok.

Ayub 37:14

Ayub, ter mos matin, mondo iwinji. Parie gik mabeyo malich ma Nyasaye timo.

Ayub 9:12

Gima odwaro ema okawo, kendo onge ng’ama nyalo tame, bende ong’e ng’ama nyalo penje gima otimo.

Zaburi 107:43

Joma riek onego onon wechegi, mondo opar hera mosiko mar Nyasaye.

Zaburi 8:3

Ka arango polo mane ichueyo gi lweti, kaka lich, kendo ka arango due gi sulue mane iketo kuonde ma gintie,

Eklesiastes 1:15

Gima obam ok inyal rieyo, bende ok inyal kwano gik maonge.

Eklesiastes 3:11

Oseketo kinde mowinjore ni gimoro amora. Osemiyowa gombo mar ng’eyo gik mabiro timore, to ok osemiyowa fwenyo gik moko duto motimo.

Eklesiastes 8:17

to ok onyal ng’eyo gik ma Nyasaye timo. Kata da bed ni oketo chunye matek machal nade, to ok onyal ng’eyo tiendgi. Ji mariek paro ni ong’eyo tiendgi, to chutho ok ging’eyo.

Isaya 14:27

nimar ka Ruoth Nyasaye Manyalo Gik Moko Duto ema ochano gimoro to ere ng’ama ditame, kendo ka en ema orieyo bade to ere ng’ama dimi odwok bade piny?

Isaya 43:13

An e Nyasaye ma ok lokre nyaka chieng’. Gima amako onge ng’ama nyalo kawo, bende gima atimo, onge ng’ama nyalo ketho.”

Isaya 5:12

Utimo sewni gi kong’o mogundho kod thumbe mopogore opogore to ok udew gik ma Ruoth Nyasaye osetimo, bende ok unegi.

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Luka 12:26

Koro ka ok unyal timo kata mana gima tin kamano, to ere gima omiyo uparoru kuom weche mamoko?

Jo-Rumi 9:15

nikech Nyasaye nowacho ni Musa niya, “Anakech jogo ma adwaro kecho, kendo anabed mang’won ni joma adwaro bedonigi mang’won.”

Jo-Rumi 9:19

To ang’eyo ni ng’ato kuomu biro penja niya, “Ka onge ng’ama nyalo geng’o gima Nyasaye dwaro kamano, to ere gima omiyo Nyasaye pod dhaw gi ji?”

Jo-Efeso 1:11

Nyasaye, mochano gik moko duto mondo obed kaka odwaro nyaka a chakruok, noyierowa wan jo-Yahudi mondo wabed joge owuon kuom Kristo.