Eklesiastes 6:9 - MUMA MALER 2015

⁹ En mana gima nono, ka yamo makadho! Emomiyo ber bedo mamor gi gik ma in go, moloyo gombo gik ma iongego.

Motingʼo Loko Manyien

⁹ Ber bedo mamor gi gik ma in-go moloyo bedo gi gombo kuom gima iongego. Ma bende en gima onge tiende kendo ochalo mana kalawo bangʼ yamo.

Eklesiastes 6:9 ပူးပေါင်းရင်းမြစ်များ

Ayub 31:7

Ka dipo ni aseweyo yo makare, mi richo oywaya, kata kapo ni richo omieno lweta,

Eklesiastes 1:14

Aseneno gik moko duto matimore e piny ka mi afwenyo ni gionge tich, mana ka yamo makadho.

Eklesiastes 1:17

Ne aseketo chunya mondo apuonjra kendo ang’e pogruok manie kind ng’eyo gi fuwo, kendo manie kind rieko gi memruok. To asefwenyo ni mano bende en mana gima nono, ka yamo makadho.

Eklesiastes 1:2

Owacho niya, “Ngima en gima nono. Gik moko duto onge tich. Gin gik manono giduto, kendo onge gima nigi tiende kata achiel!

Eklesiastes 11:9

Un joma tindo, beduru mamor e ndalo ma pod utindo. Timuru gik moko duto mudwaro, kendo yuduru gik moko duto ma chunyu gombo. To kata kamano, nyaka ung’e ni Nyasaye noyalu kuom gik moko duto mutimo.

Eklesiastes 2:11

To bang’e ne aparo gik moko duto mane asetimo, kendo kaka ne asetiyo matek katimogi, mi afwenyo ni gin mana gik manono, machalo yamo makadho.

Eklesiastes 4:4

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Eklesiastes 5:18

Kuom mano, asefwenyo ni gima ber ma dhano nyalo timo en mana chiemo gi metho kod chamo mwandu moseyudo kuom kinde matin ma Nyasaye omiye mondo odaggo e piny ka. Mano e gima Nyasaye oseketo ni dhano.

Eklesiastes 6:2

Nyasaye nyalo miyo ng’ato mwandu kod luor kaachiel gi gimoro amora ma ng’atno dwaro, to ok owe ng’atno cham mwandunego ngang’. Ng’ato nono ema biro chamogi. Mano en gima nono, kendo ma ok ber kata matin.

Jeremia 2:20

Yaye jo-Israel, chon gi lala ne udagi lochna, kendo ne utamoru rito chikna, kuwacho ni ok unutina. To nulemo alema ewi gode maboyo duto, kendo e tiend yien duto motimo otiep, mi udwanyoru ka dhako ma jachode.