Eklesiastes 6:7 - MUMA MALER 2015

⁷ Dhano tiyo matek mana ni mondo oyud gima ochamo, to eka ok oyud morome ngang’.

Motingʼo Loko Manyien

⁷ Dhano tiyo matek mondo oyud gima ochamo, to kata kamano gik moyudo ok rome.

Eklesiastes 6:7 ပူးပေါင်းရင်းမြစ်များ

Ngeche 16:26

Kech makayo jatich miyo otiyo matek mondo oyud chiemo.

Eklesiastes 1:8

Gik moko duto miyo dhano bedo mool. Adier, ool motamore gi nono. Kata obedo ni wengewa neno gik mang’eny, to pod gidwaro mana neno gik moko. Itwa bende winjo weche mathoth, to pod dwaro mana winjo weche manyien.

Eklesiastes 5:10

Ka ihero pesa, to pesa ok noromi ngang’, bende ka igombo bedo jamwandu, to mwandu miyudo ok noromi, nikech mano en mana gima nono.

Eklesiastes 5:9

Piny ma ruodhe ohero tich lowo ema dhi nyime maber.

Eklesiastes 6:3

Ng’ato nyalo bedo gi nyithindo mia achiel, mi odag higni mang’eny. To kata da bed ni odak aming’a machal nadi, to ok oyudo mor kuom gik ma en go, kendo ok oyike maber ka otho, to oneno ni nyathi ma obuogi kosetho ber moloye.

Eklesiastes 6:8

Koro ere ber ma ng’ama riek neno, moloyo ng’ama ofuwo? Koso ere gima ber ma jachan nigo kuom gik moseng’eyo ma doritrego e ngimane?

Mathayo 6:25

“Mano emomiyo awachonu ni kik uparru kuom gima ducham kata ma dumadhi mondo ubed mangima, kata kuom lewni ma durwaki mondo uumgo dendu. Donge ngima duong’ moloyo chiemo? Koso ringruok donge oloyo law?

Luka 12:19

Bang’e anawach e chunya ni, ‘An jahawi, nikech asekano gik mathoth, moroma kuom higni mang’eny! Koro anyalo yueyo ka achiemo kendo ametho, ka amor.’

Johana 6:27

Kik uti ni chiemo makethore, to tiuru mana ni chiemo mosiko, kendo makelo ngima ma nyaka chieng’. Wuod Dhano ema nomiu chiemono, nikech en ema Nyasaye Wuoro oseketo kido mare kuome, manyiso ni oyie kode.”