Eklesiastes 6:3 - MUMA MALER 2015

³ Ng’ato nyalo bedo gi nyithindo mia achiel, mi odag higni mang’eny. To kata da bed ni odak aming’a machal nadi, to ok oyudo mor kuom gik ma en go, kendo ok oyike maber ka otho, to oneno ni nyathi ma obuogi kosetho ber moloye.

Motingʼo Loko Manyien

³ Ngʼato nyalo bedo kod nyithindo mia achiel kendo odak higni mangʼeny; to kata bed ni odak mangʼeny maromo nade, ka ok onyal yudo mor kuom mwandune kendo ok oike maber ka otho, to awacho ni nyathi monywol kosetho ber moloye.

Eklesiastes 6:3 ပူးပေါင်းရင်းမြစ်များ

Chakruok 33:5

Kane Esau oting’o wang’e, moneno mond Jakobo gi nyithindgi nopenjo niya, “Magi ng’a gini man kodigi?” Jakobo nodwoke ni, “Jaduong’, gin nyithindo ma Nyasaye osemiya kuom ng’wonone.”

Chakruok 47:9

Jakobo nodwoke ni, “Higni ma asewuotho e piny, gin mana mia achiel gi piero adek. Hignigo osebedo manok kendo maricho, kendo ok girom gi higni ma kwerewa nowuothogo e piny.”

2 Ruodhi 10:1

Noyudo ka yawuot Ahab piero abiriyo odak Samaria. Omiyo Jehu nondiko barupe, mooro Samaria ni jodong dala kod joma ne pidho yawuot Ahabgo, kowacho niya,

2 Ruodhi 9:35

To kane gidhi mondo giyike, ne ginwang’o mana hanga wiye gi tiendene kod luetene kende.

1 Weche mag Ndalo 28:5

Ruoth Nyasaye osemiya yawuowi mang’eny, to kuom yawuowigo duto, Solomon ema oseyiero mondo obed ruodh Israel, korito jo-Ruoth Nyasaye.

2 Weche mag Ndalo 11:21

Rehoboam nohero Maaka, nyar Abishalom, moloyo monde duto. Nokendo mon apar gaboro gi nyiri piero auchiel.

Ayub 3:11

Dine ber ka atho ei mama, kata ka atho mana e sa mane onywolae!

Ayub 3:16

kata ka nyithindo monywol kosetho,

Zaburi 58:8

Mad gichal gi ndach kamnio maleny, kendo lal nono, kata mad gichal gi nyathi monywol kosetho, ma ok oneno chieng’.

Ngeche 17:6

Jodongo mor gi nyikwagi, mana kaka yawuowi mor gi wuonegi.

Eklesiastes 4:3

To joma johawi moloyo joma osetho gi joma pod ngima gin jogo ma pok onywol, kendo ma pok oneno timbe maricho matimore e pinyni.

Eklesiastes 6:4

Nyathi makamano lal nono e mudho, kendo kata mana nying ok chake.

Jeremia 22:19

Noywaye mi wite oko e dhoranga Jerusalem, mana ka punda motho.

Jeremia 36:30

Kuom mano, an Ruoth Nyasaye awachoni, in ruoth Jehoyakim, ni onge nyakwari moro amora ma nobed ruoth ka Daudi. Ringri nowiti oko kama chieng’ nochamee godiechieng’, kendo koyo nochamee gotieno.

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Mathayo 26:24

Wuod Dhano biro tho mana kaka Muma wacho, to mano kaka nodok malit ni ng’at ma biro ndhoge! Da obedo maber ni ng’atno ka dine ok onywole.”