Eklesiastes 6:2 - MUMA MALER 2015

² Nyasaye nyalo miyo ng’ato mwandu kod luor kaachiel gi gimoro amora ma ng’atno dwaro, to ok owe ng’atno cham mwandunego ngang’. Ng’ato nono ema biro chamogi. Mano en gima nono, kendo ma ok ber kata matin.

Motingʼo Loko Manyien

² Nyasaye miyo dhano mwandu, ngima maber kod luor makende, mondo kik obed maonge gimoro amora ma chunye dwaro, makmana Nyasaye ok miye thuolo mar bedo gi mor kuomgi, kendo ngʼato nono ema bedo mamor kodgi. Maonge tiende, kendo en richo marach moloyo.

Eklesiastes 6:2 ပူးပေါင်းရင်းမြစ်များ

1 Ruodhi 3:13

Mago mane ok ikwayo bende amedi, gin mwandu kod duong’, ma onge ruoth moro amora ma dibed marom kodi ka pod ingima.

1 Weche mag Ndalo 29:25

Ruoth Nyasaye nomiyo Solomon duong’ ma onge ruodh Israel moro mane osebedogo.

1 Weche mag Ndalo 29:28

Notho ka hike oniang’, kendo ka en gi luor kod mwandu mogundho. Solomon wuode nodoko ruoth kare.

2 Weche mag Ndalo 1:11

Eka Nyasaye nodwoko Solomon niya, “Nikech chunyi chalo kamano kendo ok ikwayo mwandu kata fedha, kata pak, kata tho wasiki, kata kwayo ni mondo idag aming’a, to isekwayo mana rieko mar ng’eyo kaka ditel ni oganda maseketi ruodhgi,

Zaburi 17:14

Ee, resa gi tekoni kuom joma nigi gik moko duto mag pinyni. Kumgi gi masiche ma isechano ni ibiro kumogigo. Mad nyithindgi bende yud kum moromogi, mi moko dong’ ni nyikwagi!

Zaburi 39:6

Okadho mana ka tipo! Mwandu duto mochoko chalo muya maduono, to bende okia ng’ama nochamgi.

Zaburi 73:7

Wengegi ofinyo, kendo chunygi opong’ gi timbe mamono.

Eklesiastes 4:4

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Eklesiastes 4:8

En ngima ng’at modak kende maonge gi wuowi kata gi owadgi. Pile otiyo atiya matek, to mwandu moyudo ok rome. Openjore niya, “En ng’a ma atiyone matek, ka atuonora gik mabeyo ma onego acham?” Mano bende en gima nono, ma ok owinjore kata matin.

Eklesiastes 5:13

Gima lich ma aseneno e pinyni en ni ji kano pesa mondo chieng’ moro okonygi,

Eklesiastes 5:16

Mano gima lit ahinya. Wadhi mana kaka ne wabiro. Ere gima wayudo kuom tich manono mwachandorego?

Eklesiastes 5:18

Kuom mano, asefwenyo ni gima ber ma dhano nyalo timo en mana chiemo gi metho kod chamo mwandu moseyudo kuom kinde matin ma Nyasaye omiye mondo odaggo e piny ka. Mano e gima Nyasaye oseketo ni dhano.

Eklesiastes 5:19

Ka Nyasaye oguedho ng’ato gi mwandu, kendo omiye dak maber, ma oweyone kinde mondo ocham gigo, to onego obed mamor ka ochamogi. Mano bende en gima Nyasaye ema ochiwo.

Isaya 55:2

Ere gima omiyo ung’iewo chiemo ma ok konyu, kuketho mwandu kuom gima ok nyal yieng’ou? Ka uchiko itu, mi uwinjo gima awacho, to ubiro chamo chiemo mabeyo, mi uwinj ndhath gima uchamo.

Ywagruok 5:2

Jopinje mamoko osekawo pinywa gi miechwa.

Daniel 5:18

“Nyasaye Maduong’ moloyo noketo Nebukadnezar kwaru obedo ruoth maduong’ man gi teko kod duong’.

Hosea 7:9

Winjruok ma gin-go gi jopinje mamokogo osemayogi teko, to ok ging’eyo. Bende ok ging’eyo ni wigi osetimo lwar.

Rapar mar Chik 28:33

“Oganda moro ma ok ung’eyo nocham gik monyak e puotheu, kendo unubed joma othir malich e ngimau duto.

Rapar mar Chik 28:43

Jopinje mamoko modak kuomu biro medo dongore molou, to un ubiro dok piny.

Jong’ad Bura 18:10

nikech Nyasaye osekete e lwetwa. Kudhi kuno to unuyud ni en piny malach man gi gik moko duto, kendo jopinyno ok par ni ng’ato dimonjgi.”