Eklesiastes 5:6 - MUMA MALER 2015

⁶ Kik iwe wecheni iwuon teri e richo, nono to idhi e nyim jadolo mar Nyasaye, kiywagori ni iseketho, nikech kitimo kamano to imiyo Nyasaye kecho kodi, kendo obiro ketho gik ma luchi osemiyi.

Motingʼo Loko Manyien

⁶ Kik iwe wecheni iwuon teri e richo, nono to ibiro ywagori e nyim jadolo mar hekalu niya, “Singruok mane atimo kakwongʼora ne ok en adier. Angʼo ma dimi Nyasaye bed kodi gi mirima kuom gik misewacho mi oketh tich lweti?

Eklesiastes 5:6 ပူးပေါင်းရင်းမြစ်များ

Chakruok 48:16

Malaika ma oseresa e masiche duto, mondo oguedhgi. Noluonggi gi nyinga kod nying Ibrahim kwara gi nying Isaka wuora. Onego gimedre kendo gibed oganda maduong’ e piny.”

Ngeche 23:17

Kik nyiego maki gi gik ma joricho nigo, to luor mana Ruoth Nyasaye ndalo duto.

Eklesiastes 10:12

Weche ma ng’at mariek wacho, kelone luor. Ng’at mofuwo to tiekore kende owuon gi wechene.

Eklesiastes 3:14

Ang’eyo ni gimoro amora ma Nyasaye otimo siko nyaka chieng’. Ok inyal medoe gimoro, bende ok inyal goloe gimoro. Osetimo kamano mondo dhano oluore.

Tim jo-Lawi 4:2

Nyis jo-Israel ni magi e chike ma omako ng’ato ang’ata ma oboth, mi oketho chikna moro amora mi otimo gimoro ma chikgo okwero.

Tim jo-Lawi 4:22

Ka jatelo moro oketho chik moro amora mar Ruoth Nyasaye ma Nyasache kakia, mi odoko jaketho,

Malaki 2:7

En tich jodolo mondo opuonj ji wach mar adiera mar Nyasaye, kendo ji onego odhi irgi mondo opuonjre chik Nyasaye, nikech gin jootena, An Ruoth Nyasaye Manyalo Gik Moko Duto.

Malaki 3:1

To Ruoth Nyasaye Manyalo Gik Moko Duto dwoko kama: “Abiro oro jaotena otel, mondo olosna yo. Bang’e Ruoth mudwaro nobi apoya e Hekalu mare, kendo jaote mudwaro nenono nobi, mi nohul weche mag singruokna.

Kwan 15:25

Eka jadolo nopwodh oganda duto mar Israel, mi nowenigi richogi, nikech ne giketho mana ka gikia, kendo gisetimo ni Ruoth Nyasaye misango miwang’o. Bende gisetimo misango mar golo richo e nyim Ruoth Nyasaye kuom ketho mane giketho ka gikia.

1 Jo-Korintho 11:10

Mano emomiyo dhako onego um wiye kaka ranyisi ni en e bwo loch chwore, nikech malaika.

1 Timotheo 5:21

Amiyi chik matek e nyim Nyasaye kendo e nyim Kristo Yesu kod malaika maler ni, nyaka irit chikego. Kiyalo wach moro amora to kik ing’ad bura kapok iwinjo weche duto koni gi koni, kata kik idog ni ng’ato kayiem.

Jo-Hibrania 1:14

Kamano waneno ni malaika gin mana roho matiyo ni Nyasaye. Nyasaye orogi mondo gikony joma biro yudo warruok.

Jakobo 1:26

Ka ng’ato galo ni en jalemo maber to ok orito lewe, to mano owuondore awuonda, kendo lemo mare onge tich.

Jakobo 3:2

Waduto wachwanyore pile, to ng’at ma ok chwanyre e gima owacho e ng’at malong’o chutho. Ng’at ma kamano nyalo ritore e yore duto.

2 Johana 1:8

Ritreuru mondo kik gima usetiyone lalnu, to uyud poku duto.