Eklesiastes 5:4 - MUMA MALER 2015

⁴ Kuom mano, ka isingori ni ibiro chiwo ni Nyasaye gimoro, to tim kamano piyo, nikech Nyasaye ok mor gi ng’at mofuwo. Adier, tim gima isingori ni ibiro timo.

Motingʼo Loko Manyien

⁴ Ka isingori e nyim Nyasaye, to kik ideki mar timo kamano. Ok omor gi joma ofuwo; omiyo chop singruokni.

Eklesiastes 5:4 ပူးပေါင်းရင်းမြစ်များ

Chakruok 28:20

Eka Jakobo nokuong’ore ka wacho ni Ruoth Nyasaye niya, “A Ruoth Nyasaye, ka inibed koda, kendo ka initelna e wuodha, kimiya chiemo gi lewni,

Chakruok 35:1

Nyasaye nowacho ni Jakobo niya, “Ikri idhi Bethel, mondo idag kuno, kendo igerie kendo-mar-misango ni Nyasaye mane ofwenyoreni e kinde mane iringo Esau owadu.”

Chakruok 35:3

Wawuoguru wadhi Bethel kuma abiro geroe kendo-mar-misango ni Nyasaye mane okonya ka anie chandruok, kendo mosebedo koda kamoro amora madhiye.”

Zaburi 116:14

Bende gik mane asesingora ni nachiwne, abiro chiwone e chokruok mar joge duto.

Zaburi 119:106

Akuong’ora ni anarit chikeni makare, mana kaka ne asingora.

Zaburi 22:25

Abiro paki e chokruok maduong’ kuom gima isetimo, kendo abiro timo misengni e nyim joma oluori ka achopogo singruok mane atimo.

Zaburi 50:14

Ooyo, to erokamano ema mondo obed misango mutimona, kendo chiwuru ni Ng’ama Duong’ Moloyo gik mane usingoru.

Zaburi 76:11

Miuru Ruoth Nyasaye ma Nyasachu gima ne usingoru ni unumiye, kendo un ogendini duto modak machiegni, keluru mich ni ng’ama ji duto oluoro.

Ngeche 20:25

Ng’at ma kuong’ore ka rikni ni biro chiwo ni Nyasaye gimoro keto mana wino e ng’ute, nikech achien dipo ka oywago ang’e!

Isaya 19:21

Ruoth Nyasaye noyangre ni jo-Misri mondo ong’eye, kendo chieng’no giniyie kuome, mi ginitimne misango mar cham kod misengni mamoko. Bende ginikuong’re, mi gichop kuong’ruokgigo.

Jona 2:9

an to natimni misango, ka apaki gi wer. Anachul gima asingorani. Ruoth Nyasaye ema reso ji!”

Malaki 1:10

Ruoth Nyasaye Manyalo Gik Moko Duto owacho niya, “Da obedo maber ka ng’at achiel kuomu oloro dhorangeye mag laru mar Hekalu, mondo kik umok mach e kendona mar misango kayiem nono. Ok amor kodu, kendo ok nayie misengni muchiwona.

Kwan 30:2

“Ruoth Nyasaye ochiko kama: Ka ng’ato osingore ni Ruoth Nyasaye kata okuong’orene, to kik olokre. Gimoro amora mowacho gi dhoge, to nyaka otim.

Mathayo 5:33

“Usewinjo bende ni ne owachi ni kwerewa niya, ‘Kik uketh kuong’ruok musetimo, to nyaka utim gima usekuong’oru ni Ruoth ni unutim.’

Jo-Hibrania 10:6

Misengni miwang’o pep, gi misengni mag golo richo, bende ne ok imorgo.

Jong’ad Bura 11:35

Kane onene, noyiecho lepe, koywak, mowacho niya, “Yaye nyathina! Ichodo chunya! Ang’o momiyo in ema ikelona chandruokni? Asekuong’ora ni Ruoth Nyasaye kendo ok anyal lokora!”