Eklesiastes 5:18 - MUMA MALER 2015

¹⁸ Kuom mano, asefwenyo ni gima ber ma dhano nyalo timo en mana chiemo gi metho kod chamo mwandu moseyudo kuom kinde matin ma Nyasaye omiye mondo odaggo e piny ka. Mano e gima Nyasaye oseketo ni dhano.

Motingʼo Loko Manyien

¹⁸ Eka ne afwenyo ni ber kendo longʼo mondo dhano ochiem kendo omethi, kendo mondo oyud mor e tichne matek motimo e bwo wangʼ chiengʼ e kinde matin mar ngimane ma Nyasaye osemiye, nimar mano e pokne kende.

Eklesiastes 5:18 ပူးပေါင်းရင်းမြစ်များ

Zaburi 42:8

Ruoth Nyasaye nyiso herane mosiko odiechieng’ kodiechieng’. Anawerne wende pak otieno kotieno. Ee, analam Nyasaye ma miya ngima.

Eklesiastes 11:9

Un joma tindo, beduru mamor e ndalo ma pod utindo. Timuru gik moko duto mudwaro, kendo yuduru gik moko duto ma chunyu gombo. To kata kamano, nyaka ung’e ni Nyasaye noyalu kuom gik moko duto mutimo.

Eklesiastes 2:10

Ne akawo gimoro amora mane wang’a gombo, kendo ne ok aweyo gimoro mane chunya dwaro. Gik moko mane aloso nomiya mor, kendo morno ema nobet pokna.

Eklesiastes 2:24

Kuom mano, onge gima ber ma dhano nyalo timo, mak mana chiemo gi metho kod chamo mwandu moseyudo. To kata mana mano bende ne afwenyo ni wuok mana kuom Nyasaye,

Eklesiastes 2:3

Kaka ne adwaro rieko ahinya ne atemo mondo ayud mor kuom madho kong’o, kendo kuom chano timo gik manono, eka afwenygo gima owinjore dhano tim kuom kinde matin ma odakgo e piny ka.

Eklesiastes 3:22

Kuom mano, ne afwenyo ni kara gima dhano nyalo timo en mana chamo mwandu moseyudo, nikech mano ema Nyasaye osemiye, nimar ok onyal ng’eyo gima biro timore ka osetho.

Eklesiastes 6:2

Nyasaye nyalo miyo ng’ato mwandu kod luor kaachiel gi gimoro amora ma ng’atno dwaro, to ok owe ng’atno cham mwandunego ngang’. Ng’ato nono ema biro chamogi. Mano en gima nono, kendo ma ok ber kata matin.

Eklesiastes 8:15

Kuom mano, aneno ni ng’ato nyaka cham raha, nikech onge mor ma dhano nigo mak mana chiemo gi metho kod chamo mwandune. Mano e pok moyudo kuom tich matek motiyo e kinde ma Nyasaye omiyego ngima e piny ka.

Eklesiastes 9:7

Emomiyo cham achama chiembi mondo ibed mamor, kendo madh amadha kongi mondo iwinj maber, nikech Nyasaye oseyie gi gik moko mitimo.

Jeremia 52:34

Odiechieng’ kodiechieng’ kuom higni duto mane ongima, ne imiye gik moko morome konyorego.

1 Jo-Korintho 16:16

Koro akwayou owetena, ni mondo uyie bet e bwo joma kamago, kendo e bwo ng’ato ka ng’ato ma bende tiyo tich Nyasaye matek.

Rapar mar Chik 12:18

Ubiro chamo gigo mana kama Ruoth Nyasaye ma Nyasachu biro yiero. Kanyo ema unuchiemie e nyim Ruoth Nyasaye ma Nyasachu, un gi yawuotu gi nyiu, kod wasumbu machwo gi mamon, kaachiel gi jo-Lawi modak e miechu. Unubed mamor e nyim Ruoth Nyasaye ma Nyasachu kuom gik moko duto mutimo.

Rapar mar Chik 12:7

Unuchiem kanyo e nyim Ruoth Nyasaye ma Nyasachu, kendo un gi jouteu unubed mamor, nikech Ruoth Nyasaye ma Nyasachu oseguedho gik moko duto mutimo.

Rapar mar Chik 26:11

Bang’e un gi jo-Lawi kod jopinje mamoko modak kuomu nyaka utim sawo mondo upargo gik mabeyo duto ma Ruoth Nyasaye osetimonu kaachiel gi jou.

1 Timotheo 6:17

Nyis joma nigi mwandu mag pinyni mondo kik gibed jong’anyi, kendo kik giket chunygi kuom mwandu manono, to gigen mana Nyasaye ma miyowa gik moko mogundho mondo wabedgo mamor.