Eklesiastes 5:11 - MUMA MALER 2015

¹¹ Kaka mwanduni medore, e kaka joma ipidho bende medore. Ohala miyudo en mana ng’eyo ni in jamoko.

Motingʼo Loko Manyien

¹¹ Kaka mwanduni medore, e kaka joma tiyo kodgi medore. In to ohala miyudo en ngʼeyo mana ni in jamoko?

Eklesiastes 5:11 ပူးပေါင်းရင်းမြစ်များ

Chakruok 12:16

Farao norito Abram maber nikech Sarai, kendo nomiye rombe gi diek gi dhok gi kenje gi wasumbini kod ngamia.

Chakruok 13:2

To Abram koro ne jamoko ahinya, ne en gi rombe gi diek gi dhok, kaachiel gi fedha kod dhahabu.

Ngeche 23:5

to bed mariek nimar pesani nyalo lal ka diemo wang’, mana ka gima en gi buombene ma ohuyogo ka ongo.

Eklesiastes 11:9

Un joma tindo, beduru mamor e ndalo ma pod utindo. Timuru gik moko duto mudwaro, kendo yuduru gik moko duto ma chunyu gombo. To kata kamano, nyaka ung’e ni Nyasaye noyalu kuom gik moko duto mutimo.

Eklesiastes 2:9

Kamano ne aduong’ moloyo ng’ato ang’ata mosedak Jerusalem, kendo riekona ne okonya ahinya.

Eklesiastes 5:12

Jachan pile nindo mamit, kata obedo ni ochamo gima tin kata mang’eny. Gik mang’eny ma jamoko nigo to miyo oparore, ma ok onyal nindo.

Eklesiastes 6:9

En mana gima nono, ka yamo makadho! Emomiyo ber bedo mamor gi gik ma in go, moloyo gombo gik ma iongego.

Jeremia 17:11

Ng’ato ma yudo pesa e yor miriambo chalo gi winyo matoyo tong’ mane ok otoko. Gibiro lalne kapok obet ng’at moti, kendo bang’e nolokre mana ng’at mofuwo.”

Habakuk 2:13

Donge Ruoth Nyasaye Manyalo Gik Moko Duto osewacho ni gik ma ogendini mamoko oseyudo gi luchgi nowang’, mi lal nono?

1 Johana 2:16

nikech gik moko duto manie piny, kaka gombo mag ringruok gi gombo mar wang’, kod sunga ma ji sungorego kuom gik ma gin-go, ok a kuom Wuoro, to gin mana mag pinyni.