Eklesiastes 5:1 - MUMA MALER 2015

¹ Bed motang’ ka idhi e od Nyasaye, nimar dhiyo kuno mondo ipuonjri, ber moloyo chiwo misango ka ng’at mofuwo ma ok ong’eyo gima ber gi gima rach.

Motingʼo Loko Manyien

¹ Ritri ka idhi e od Nyasaye. Dhi machiegni mondo ichik iti moloyo chiwo misengini ma joma ofuwo chiwo, jogo ma ok ongʼeyo ni gitimo marach.

Eklesiastes 5:1 ပူးပေါင်းရင်းမြစ်များ

2 Weche mag Ndalo 26:16

Kane Uzia osedoko motegno kamano, nobedo jasunga mi okethore. Nochayo Ruoth Nyasaye ma Nyasache, modonjo ei Hekalu mar Ruoth Nyasaye mondo owang’ ubani e kendo-mar-ubani.

Ayub 11:2

“Bende ng’ato diwe weche manonogi, mak odwoko? Koso thoro weche mang’eny dimi ng’ato bed ng’ama kare?

Ayub 22:12

Donge Nyasaye odak e polo kuma bor moloyo, kendo orango sulue mana e bwoye, kata obedo ni gin mabor kamano?

Zaburi 89:7

In ema malaika miyi luor e buch polo. Ee, oluori moloyo malaika duto man buti.

Wuok 3:5

Nyasaye nowachone niya, “Kik imed sudo machiegni, to lony wuocheni, nikech kama ichung’ieno en kama ler.”

Wuok 30:18

“Los karaya mar lwok gi mula, ma rachungine bende mar mula. Kete e kind Hemb Romo gi kendo-mar-misango, mi iolie pi

Ngeche 10:19

Ka iwuoyo mang’eny to ichiegni gi richo. Ng’at mariek to ling’ aling’a.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ngeche 21:27

Ruoth Nyasaye mon gi misango ma joricho timone, to moloyo kotimne misangono gi paro marach.

Isaya 66:3

“Ng’at moyang’o rwath chalre gi ng’at monego dhano. Ng’at motimo misango gi rombo, bende chalre gi ng’at moturo ng’ut guok, kendo ng’at mochiwo misango mar cham chalre gi ng’at mochiwo remb mbidhi, bende ng’at mowang’o ubani kar rapar chalre gi ng’at molamo nyiseche manono, kendo kaka chunygi mor gi timbe makuerogo,

Tim jo-Lawi 10:3

Bang’ mano Musa nowacho ni Harun niya, “Ma e gima Nyasaye nowuoyoe niya, ‘Joma sudo buta nyaka ng’e ni an Ng’ama Ler, kendo nyaka gimiya duong’ e nyim ji duto.’ ” To Harun noling’ aling’a thi, ka dhoge omoko.

Tich Joote 10:33

Mano omiyo ne aoroni joote mana gi sano, kendo agoyoni erokamano ahinya kuom biro. To koro waduto eri wan ka e nyim Nyasaye, kwarito wach moro amora ma Ruoth osenyisi mondo iwachi.”

Tich Joote 17:11

Jo-Yahudi mane odak kuno ne nigi chuny mathuolo moloyo mago mane odak Thesalonika. Ne gichiko itgi mi giwinjo wach gi chuny moyangore chuth, kendo ne gisomo Muma pile mondo gine ane ka weche Paulo gin adier.

1 Jo-Korintho 11:22

Donge un gi mier munyalo chiemoe? Koso uchayo jo-Nyasaye, momiyo ukuodo wi joma odhier? Uparo ni dawach ang’o kuom wachni? Uparo ni dapaku? Ooyo, ok dapaku!

Jo-Hibrania 10:26

Ka wasiko watimo richo mana mar ayiem, bang’ ng’eyo adiera, to onge misango moro mapod odong’ manyalo golo richowa.

Jakobo 1:19

Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.

Joshua 5:15

Jaduong’ jolweny mag Ruoth Nyasaye nodwoke niya, “Lony wuocheni nimar kama ichung’ieno en kama ler.” Mi Joshua notimo kamano.