Eklesiastes 4:4 - MUMA MALER 2015

⁴ Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Motingʼo Loko Manyien

⁴ Kendo ne aneno ni tich matek duto kod ohala ma ngʼato yudo kuom tije timore mana nikech nyiego ma ngʼato nigo mar loyo nyawadgi. Ma bende onge tiende, ochalo gi lawo bangʼ yamo.

Eklesiastes 4:4 ပူးပေါင်းရင်းမြစ်များ

Chakruok 26:14

Nyiego nomako jo-Filistia kod Isaka, nikech ne en gi rombe kod dhok mathoth, kaachiel kod wasumbini mang’eny.

Chakruok 31:1

Jakobo nowinjo ni yawuot Laban wacho niya, “Jakobo osekawo gik wuonwa duto, kendo mwandu ma en go oseyudo mana kuom wuonwa.”

Ngeche 27:4

Mirima kwiny, kendo ketho gik moko. Nyiego to rach moloyo!

Eklesiastes 1:14

Aseneno gik moko duto matimore e piny ka mi afwenyo ni gionge tich, mana ka yamo makadho.

Eklesiastes 1:17

Ne aseketo chunya mondo apuonjra kendo ang’e pogruok manie kind ng’eyo gi fuwo, kendo manie kind rieko gi memruok. To asefwenyo ni mano bende en mana gima nono, ka yamo makadho.

Eklesiastes 2:21

nikech kata obedo ni ng’ato timo gimoro gi riekone gi ng’eyone kod lonyne duto, to nyaka owe gino ni ng’at moro machielo mane luche ok ochuerie. Mano bende en gima nono, kendo ma ok owinjore!

Eklesiastes 2:26

Nyasaye ema miyo joge mohero rieko gi ng’eyo kod mor. Joricho to omiyo tiyo matek ka choko mwandu mana ni mondo mwandugo omi mana ng’ama ohero moloyo. Emomiyo mano bende en mana gima nono ka yamo makadho.

Eklesiastes 4:16

Ruoth nyalo bedo gi ji mang’eny ahinya e bwoye, to ka osetho, to onge ng’ama pako nyinge kuom gik ma osetimo. Mano bende en gima nono, mana ka yamo makadho.

Eklesiastes 6:11

Kimedo goyo mbaka to weche medo bedo manono moloyo, kendo onge gima iyudoe.

Eklesiastes 6:9

En mana gima nono, ka yamo makadho! Emomiyo ber bedo mamor gi gik ma in go, moloyo gombo gik ma iongego.

Mathayo 27:18

Nowacho kamano nikech nong’eyo maber ni gitero Yesu ire mana nikech nyiego.

Tich Joote 7:9

“To nyiego nomako kwerewago gi Josef, mi ging’iewe, modhi obedo misumba e piny Misri. To Nyasaye ne ni kode,

Jakobo 4:5

Koso uparo ni Muma wacho kayiem ni, “Chuny ma Nyasaye oketo ei dhano en chuny ma janyiego”?

1 Johana 3:12

Kik wachal gi Kain, mane odoko nyathi Ng’ama Rach, mi onego owadgi. To ere gimomiyo Kain nonego owadgi? Donge nonege nikech timbene ne richo en owuon, to timbe owadgi ne kare?