Eklesiastes 4:1 - MUMA MALER 2015

¹ Bang’e ne achako arango timbe ma isandogo ji e pinyni, mi ne aneno joma isando kaywak, to onge ng’ama konygi, nikech joma ne sandogi ne nigi teko mathoth.

Motingʼo Loko Manyien

¹ Bende ne aneno timbe misandogo ji e pinyni, mi aneno joma isando kaywak to onge ngʼama ne nyalo hoyogi, nikech joma ne sandogi ne nigi teko moloyogi.

Eklesiastes 4:1 ပူးပေါင်းရင်းမြစ်များ

Ayub 16:4

Ka da bed ni an e un, to an bende dawacho gik moko duto muwachogo. Da agonu wiya ka ng’ama riek, kendo da arogonu gi weche mogundho.

Ayub 35:9

Ka ji yudo thagruok, kithirogi, to gichur kendo giywak ni mondo ng’ato oresgi.

Ayub 6:29

Paruru ane, mondo uwe ng’adona bura marach. Weuru thaga, nikech an kare.

Ayub 9:24

Nyasaye oseketo piny e lwet joma timbegi richo, bende omiyo jong’ad bura duto bedo muofni. To ka ok en ema ne otimo kamano, to kara, ng’ano mane otime?

Zaburi 12:5

To Ruoth Nyasaye wacho niya, “Koro abiro biro nikech ithiro jochan, kendo joma isando chur malit nikech rem. Abiro miyogi kue ma gigombo.”

Zaburi 142:4

Arango batha koni gi koni, to ok ane ng’ama nyalo rita, kendo onge ng’ama dewa!

Zaburi 142:5

A Ruoth Nyasaye, aywakni ni mondo ikonya. In e kar konyruokna, yaye Ruoth Nyasaye, kendo in kendi ema adwari e piny ka.

Zaburi 42:3

Aywak odiechieng gotieno, kendo pi wang’a kende e chiemba, nimar seche duto wasika penja niya, “Nyasachi nogo ni kanye?”

Zaburi 42:9

Abiro wacho ni Nyasaye ma lwandana niya, “Wiyi osewil koda nang’o? Ere gima omiyo onego abed mana ka akuyo nikech wasika?”

Zaburi 69:20

Ayany ma ji yanyago osenego chunya ma onge kaka akony. Ne ageno ni ji dikecha, to ne ok aneno. Bende ne aparo ni dayud kony, to ne ok ayudo.

Zaburi 69:21

Kane kech kaya, to ne gimiya mana kwiri mondo acham, kendo kane riyo oloya, to ne gimiya mana kong andwayo mondo amadhi.

Zaburi 80:5

Isemiyowa pi wang’ mondo obed chiembwa. Adier, isemiyowa agwata maduong’ ma pi wang’ opong’o, mondo wamodhi.

Wuok 1:16

“Ka ucholo mond jo-Hibrania, mi uneno ka dhako moro onywolo nyathi ma wuowi, to neguru nyathino. To ka en nyathi ma nyako, to kik unege.”

Wuok 1:22

Bang’e Farao nochiko joge duto niya, “Nyithindo ma chwo duto ma jo-Hibrania onywolo, mondo uwit e aora Nael, to nyiri uwe odongi.”

Ngeche 19:7

Ka omine jachan duto ochaye, osiepene to koro dijwang’e machal nadi! Kata obedo ni otemo matek mondo oyud osiep, to ok onyal yudo.

Ngeche 28:3

Jatelo mathiro jochan chalo gi kodh yamo ma ketho cham.

Ngeche 29:2

Ka joma kare nigi loch, to ji duto mor, to ka joricho e jotelo to ji ng’ur ang’ura.

Eklesiastes 3:16

Bende aseneno ni e pinyni, kama adiera gi bura onego bedie, to richo ema betie.

Eklesiastes 5:8

Ka ineno ka piny moro sando joge modhier, ka timonigi marach, kendo tuonogi gik monego giyudi, to kik ibuogi, nimar jatelo ka jatelo nigi ng’at moloye gi duong’, kendo giduto bende gin gi joma dongonigi.

Eklesiastes 7:7

Ka ng’at mariek owuondo ng’ato, to odoko mofuwo, bende ka ng’ato ochamo asoya, to okethore kende owuon.

Eklesiastes 8:9

Kane aparo gik moko matimore e piny ka, to ne aneno gigo duto, mi afwenyo ni ji moko nigi teko, kendo ji moko odak kathagore e bwogi.

Isaya 5:7

Puoth mzabibu mar Ruoth Nyasaye Manyalo Gik Moko Duto en Israel, kendo jo-Juda e yath mane orito maber. Ne ogeno ni adiera dibedie, to nek ema ne oneno, bende noparo ni tim makare diyudree, to ywak malit ema ne owinjo.

Isaya 51:23

To abiro kete e lwet joma sandi kendo thiri, mane owachoni niya, ‘Nind piny mondo wawuoth kuomi.’ Kamano ne inindo piny, mondo dieng’eyi olokre yo ma jowuoth luwo!”

Isaya 59:7

Tiendgi rikni ka gidhi timo richo, kendo giyot ni chuero remo maonge ketho. Paro mopong’o chunygi en mana paro mamono, kendo kamoro amora ma gidhiyoe, to masira gi chandruok ema dong’ie.

Jeremia 16:7

Ka ng’ato ng’ate otho, to onge ng’ama nobi ochiem kode kata ometh kode mondo oduog chunye, bed ni wuon kata min ema otho.

Ywagruok 1:16

Mano emomiyo aywak ka pi wang’a ridore e lemba, nimar ng’at ma dikue chunya mi konya, ni kuma bor. Yawuota odhier nono, nikech wasika oselocho.”

Ywagruok 1:17

Sayun ting’o bedene malo ka ywak, to onge ng’ama nyalo kueyo chunye. Ruoth Nyasaye osechiko ni mondo joma odak mokiewo gi joka Jakobo odok mamon kodgi. Jerusalem oselokorenigi ka nanga mochido mowiti.

Ywagruok 1:2

Oywak malit otieno duto, ka pi wang’e ridore e lembe. Kuom joherane duto, onge ng’ama nyalo kueyo chunye. Osiepene duto osendhoge, mi odoko wasike.

Ywagruok 1:9

Chilo ma en go omienore e lepe, to ne ok odewo gima biro timore achien. Mano emomiyo podho mosepodhogo lich miwuoro, kendo onge ng’ama nyalo hoyo chunye. Oywagore niya, “A Ruoth Nyasaye, neye chandruok ma an-go, nimar wasika oselocho!”

Amos 3:10

Ruoth Nyasaye owacho kama: “Jogo ok ong’eyo kaka digibed joma obidhore. Gipong’o utgi madongo gi gik moyaki.

Amos 3:9

Gouru milome e ut ruodhi mag Ashdod gi mag Misri, kuwacho niya, “Chokreuru kanyakla e gode moluoro Samaria, mondo uneye timbe pogruok matimore e dalano, kendo kaka ithiro ji kuno.”

Malaki 2:13

To bende uywak kendo udengo, ka ulwoko kendo-mar-misango mar Ruoth Nyasaye gi pi wang’u, nikech Ruoth Nyasaye odagi ng’iyo misengni muchiwone, kata yie kodgi ok oyie.

Malaki 3:18

Bang’ mano unune pogruok manie kind joma richo, kendo e kind joma tiyona gi joma ok tina.”

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Mathayo 26:56

To magi duto otimore mondo wach mane jonabi ondiko ochop kare.” Eka jopuonjrene duto noringo moweye.

Rapar mar Chik 28:33

“Oganda moro ma ok ung’eyo nocham gik monyak e puotheu, kendo unubed joma othir malich e ngimau duto.

Rapar mar Chik 28:48

Emomiyo unuti ni wasigu ma Ruoth Nyasaye biri oro mondo omonju. Kech nokau, kendo riyo nolou; unuwuoth duge, kendo nuchand gimoro amora. Ruoth Nyasaye noket jok mar nyinyo e ng’utu nyaka otieku.

Jakobo 5:4

To pok uchulo misach jotich mane okayonu cham. Winjieuru kaka giywak! Adier, ywak jokeyogo osechopo e it Ruoth Nyasaye Manyalo Gik Moko Duto.

Jong’ad Bura 4:3

kendo ne en gi geche lweny mag nyinyo mia ochiko. Nothago jo-Israel malit kuom higni piero ariyo. Omiyo jo-Israel noywak ni Ruoth Nyasaye mondo okonygi.