Eklesiastes 3:3 - MUMA MALER 2015

³ kinde mar nek, gi kinde mar chengo, kinde mar muko, gi kinde mar gero,

Motingʼo Loko Manyien

³ kinde mar nek kod kinde mar chang, kinde mar muko kod kinde mar gero,

Eklesiastes 3:3 ပူးပေါင်းရင်းမြစ်များ

Chakruok 9:6

“Ng’at monego dhano, en bende nyaka nege, nikech Nyasaye nochueyo dhano e kite owuon.

Isaya 44:26

To weche ma jotichna okoro, amiyo timore, kendo achopo gik ma jootena ochano. Awuoyo kuom Jerusalem ni, ji nochak odag kuno kendo, mi achak alos kuonde mokethore duto kuomgi.

Isaya 6:10

To in Isaya, nyaka imi, chuny jogi dok mapek, mondo kik wach donjnigi, kendo imi itgi dinre mondo kik giwinj wach, bende imi wengegi imre mondo kik ginen, eka dipo ka gilokore, mi ochanggi.”

Jeremia 1:10

Kawuono amiyi teko kuom ogendini, kendo kuom ruodhi, mondo ipudhi kendo igo piny, mondo imuki kendo ikethi, to bende mondo iger kendo ipidhi.”

Jeremia 31:28

Kaka ne aketo chunya mondo apudhgi, kendo agogi piny, kendo akethgi, e kaka abiro keto chunya mondo apidhgi kendo agergi.

Jeremia 33:6

To kata kamano, abiro change, mi odok mangima. Bende abiro chango joma odakie mi amigi mor kod kue.

Jeremia 45:4

Kuom mano, Ruoth Nyasaye owacho mondo anyisi kama: ‘Abiro muko gik moko duto ma asegero, kendo pudho gik ma asepidho. Abiro timo kamano e piny ngima.

Ezekiel 13:14

Abiro muko ohinga mane gimwonono, mi lal nono, kendo mise mare dong’ e lela. Enopodh kuomu, mi onegu. Bang’e ji duto nong’e ni an e Ruoth Nyasaye.

Hagai 1:2

“Ruoth Nyasaye Manyalo Gik Moko Duto wacho kama: Ogandani wacho ni kinde pok ochopo mar chako gero Hekalu mara.”

Hagai 1:4

“Bende ma en kinde maber adier monego un uwegi udag e utu mugero mabeyo, ka Hekalunani to omukore kama?

Zekaria 1:12

Eka malaika mar Ruoth Nyasaye nowacho niya, “A Ruoth Nyasaye Manyalo Gik Moko Duto, nyaka karang’o ma ibiro betie ka ok idewo Jerusalem kaachiel gi mier mag Juda, ma isebedo kikechogo kuom higni piero abiriyogi?”

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

1 Samuel 2:25

Ka ng’ato oketho ni wadgi, Nyasaye nobedne jathek, to ka ng’ato oketho ni Ruoth Nyasaye to ere ng’ama nokonye?” To ne gidagi winjo dwond wuon-gi, nimar Ruoth Nyasaye noseng’ado ni mondo githo.

1 Samuel 2:6

“Ruoth Nyasaye ema nego, kendo en ema ochiero. Oloro nyaka ei liel, bende ogolo oko.