Eklesiastes 3:2 - MUMA MALER 2015

² Nitie kinde mar nywol, gi kinde mar tho, kinde mar pitho, gi kinde mar putho,

Motingʼo Loko Manyien

² kinde mar nywol kod kinde mar tho, kinde mar pitho kod kinde mar putho,

Eklesiastes 3:2 ပူးပေါင်းရင်းမြစ်များ

Chakruok 17:21

To anarit singruok ma asetimo kod Isaka wuodi ma Sara biro nywolo e kinde makama e higa mabiro.”

Chakruok 47:29

Kane kinde mar thone ochopo machiegni, noluongo Josef wuode, nowachone niya, “Yie iket lweti e kind ema, kikuong’orina ni inibedna jaadiera, kendo ni initimna maber, mi ok niyika Misri.

1 Ruodhi 13:2

Ng’at Nyasayeno nokuong’o kendo-mar-misango kaka Ruoth Nyasaye nochike, koywage niya, “Yaye, kendo-mar-misango! Yaye, kendo-mar-misango! Ruoth Nyasaye owacho kama: Enonywol wuowi e dhood Daudi, ma nochak nyinge ni Josia. Enoneg jodolo mag hembko man kuonde moting’ore, ma wang’o ubani kuomi, kendo enowang’ choke ji kuomi.”

2 Ruodhi 4:16

Elisha nowachone niya, “Due makama, higa mabiro, inibed gi nyathi ma wuowi.” To dhakono nodwoke niya, “Ooyo, ruodha, kik iwuonda!”

Ayub 14:14

Ka ng’ato otho, to bende dochak obed mangima? An to abiro dhil gi thagruokna nyaka kinde maber chopi.

Ayub 14:5

Kar romb hike nosechan chon. Ee, kata mana duechene bende ong’ere. In Nyasaye isechane, omiyo ok nyal loke.

Ayub 7:1

“Thagruok ma dhano nigo e piny chalo mana gi ngima ng’at moter e lweny gi thwon, kendo mana ka tich lwedo matek,

Zaburi 113:9

Oguedho dhako ma onge nyathi, mi oloke dhako mamor ma min nyithindo. Ruoth Nyasaye mondo opaki!

Zaburi 52:5

Kuom mano, Nyasaye notieki chuth. Obiro maki, mi oyudhi oko e piny joma ngima!

Ngeche 24:27

Kik igo dala mi iger ot maber kapok iloso puotheni ma miyi chiemo moromi.

Isaya 28:24

Uparo ni ng’ato nyalo siko ka puro apura puodho, to ok chwowe kodhi? Koso onyalo buso abusa nyalandra, to ok opidh gimoro?

Isaya 38:1

E ndalogo, Hezekia ne tuo, kendo ohewore. Janabi Isaya wuod Amoz nobiro ire, mowachone niya, “Ruoth Nyasaye owacho ni mondo ilam mwanduni ni yawuoti, nimar ibiro tho, ok nikwo.”

Isaya 38:5

“Dhiyo iwach ni Hezekia ni Ruoth Nyasaye ma Nyasach Daudi kwaru owacho kama: ‘Asewinjo kwayoni, kendo aseneno pi wang’i.

Isaya 54:1

Ruoth Nyasaye owacho niya, “Wer matek, in Jerusalem machalo gi dhako ma migumba mane ok onywol. Adier, kog gi mor, in michalo dhako ma pok muochh okayo, nikech dhako ma chwore oweyo nobed gi nyithindo mang’eny, moloyo dhako man gi dichwo.

Jeremia 1:10

Kawuono amiyi teko kuom ogendini, kendo kuom ruodhi, mondo ipudhi kendo igo piny, mondo imuki kendo ikethi, to bende mondo iger kendo ipidhi.”

Jeremia 45:4

Kuom mano, Ruoth Nyasaye owacho mondo anyisi kama: ‘Abiro muko gik moko duto ma asegero, kendo pudho gik ma asepidho. Abiro timo kamano e piny ngima.

Mathayo 13:41

Wuod Dhano noor malaikane mondo ochok gik moko duto mamiyo ji ketho, kaachiel gi joma richo, mi ogol oko e pinye,

Mathayo 15:13

Yesu nodwokogi ni, “Gimoro amora mane Wuora mae polo ok opidho, ibiro pudho.

Luka 1:13

To malaika nowachone niya, “Kik ibed maluor, Zekaria! Nyasaye osewinjo kwayoni, kendo Elizabeth chiegi biro nywoloni nyathi ma wuowi, michak ni Johana.

Luka 1:20

To winji! Koro ibiro bedo momo ma ok ilosi nyaka chop gigo timre, nikech ok iseyie gi wachna mabiro timore adier, ka kinde moketne ochopo.”

Luka 1:36

Bende ng’e ni Elizabeth, wayu moti cha, osemako ich nyathi ma wuowi, kendo dhako ma yande iluongo ni migumbano, koro nigi ich mar dueche auchiel,

Johana 16:21

Ka dhako muoch kayo to en gi rem malit kod kuyo, nikech kinde mar nyuol osechopo,. To ka osenywolo nyathi, to koro ok opar rem gi kuyo mane engo nikech koro omor ni osenywolo dhano e piny.

Johana 7:30

Eka ne gitemo make, to ne ok ginyal, nikech kindene ne pok ochopo.

Tich Joote 7:17

“Kane kinde ochopo machiegni mondo Nyasaye ochop singruok mane otimo ni Ibrahim, jowa nosenya mang’eny ahinya e piny Misri.

Tich Joote 7:20

E ndalogo ema nonywolie Musa, mane nyathi ma jaber ahinya. Ne opidhe e odgi kuom dueche adek,

Jo-Galatia 4:4

To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,

Rapar mar Chik 34:5

Kamano, Musa jatich Ruoth Nyasaye notho e piny Moab kuno, mana kaka Ruoth Nyasaye nosewacho,

Jo-Hibrania 9:27

Ng’ato ka ng’ato nyaka tho mana dichiel kende, to bang’ mano Nyasaye yale.

1 Samuel 2:5

Joma ne yieng’ koro tiyo ni jomoko mondo oyud chiemo, to joma ne denyo koro yieng’. Dhako ma migumba onywolo nyithindo abiriyo, to en ma nyithinde ng’eny odong’ nono.