Eklesiastes 3:11 - MUMA MALER 2015

¹¹ Oseketo kinde mowinjore ni gimoro amora. Osemiyowa gombo mar ng’eyo gik mabiro timore, to ok osemiyowa fwenyo gik moko duto motimo.

Motingʼo Loko Manyien

¹¹ Oseketo gik moko duto obedo maber e kindegi. Oseketo ngima mochwere e chuny ji; kata kamano ok ginyal paro matut gima Nyasaye osetimono aa chakruok nyaka giko.

Eklesiastes 3:11 ပူးပေါင်းရင်းမြစ်များ

Chakruok 1:31

Eka Nyasaye nong’iyo gik moko duto mane osechueyo, kendo noneno ni gibeyo ahinya. Piny noyuso kendo noru, mi mano nodoko chieng’ mar auchiel.

Ayub 11:7

Bende inyalo fwenyo midhierni mag Nyasaye adier? Koso inyalo ng’eyo kama duong’ne ogikie?

Ayub 37:23

Teko mar Nyasaye duong’ ma ok wanyal sudo machiegni kode. En jaratiro, kendo ong’ado ni ji bura makare.

Ayub 5:9

nikech en ema otimo gik madongo, bende honni mage ng’eny mokadho akwana.

Zaburi 104:24

A Ruoth Nyasaye, isechueyo gik mang’eny ahinya! Mano kaka ne ilosogi gi rieko matut! Piny opong’ gi gik misechueyo.

Ngeche 16:4

Gik moko duto ma Ruoth Nyasaye osechweyo nigi gikogi, kendo giko joricho en mana tho.

Eklesiastes 1:13

Ne aketo chunya kuom nono tiend gik moko duto matimore e piny mondo apuonjra tiendgi, mi ayudo ni tich ma Nyasaye osemiyo dhano mondo onyagrego e piny ka lit ahinya.

Eklesiastes 11:5

Gik moko duto Nyasaye ema ochueyo, bende ok inyal ng’eyo gima otimo, mana kaka ok inyal ng’eyo kaka nyathi chakore ei min.

Eklesiastes 7:13

Parie gik ma Nyasaye osetimo. Ere kaka ng’ato nyalo rieyo gima Nyasaye osedolo?

Eklesiastes 7:23

Ne apimo gigo duto gi rieko, ka aketo chunya mondo abed mariek. To ne ok anyal.

Eklesiastes 7:29

To gima aseyudo bende, en mana ni, Nyasaye ne ochueyowa joma kare, to wan wawegi ema wasegajore gi paro mathoth.

Eklesiastes 8:17

to ok onyal ng’eyo gik ma Nyasaye timo. Kata da bed ni oketo chunye matek machal nade, to ok onyal ng’eyo tiendgi. Ji mariek paro ni ong’eyo tiendgi, to chutho ok ging’eyo.

Mathayo 11:27

“Wuora oseketo gik moko duto e lweta. To onge ng’ama ong’eyo Wuoro to mak mana Wuowi, kod joma Wuowi omiyo ong’eye.

Mathayo 13:22

Kodhi mane olwar e kind kudho, to e ng’at mawinjo wach to paro mag piny gi ber mar mwandu thung’o wachno, mi ok nyag gimoro.

Mariko 7:37

Kendo ji duto mane owinjo, nodhier nono, kawacho niya, “Mano kaka otimo gik moko duto maber! Kata mana joma itgi odino omiyo winjo wach, kendo joma momo omiyo wuoyo!”

Jo-Rumi 1:28

Ne gidagi yie Nyasaye, omiyo Nyasaye nojwang’ogi, mi parogi olal, kendo gitimo gik ma ok onego gitim.

Jo-Rumi 11:33

Mano kaka mwandu mag Nyasaye dongo! Riekone kod ng’eyone tut manadi! Ere ng’ama nyalo ng’eyo tiend gik moparo? Koso ere ng’ama nyalo ng’eyo yorene?

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.