Eklesiastes 2:9 - MUMA MALER 2015

⁹ Kamano ne aduong’ moloyo ng’ato ang’ata mosedak Jerusalem, kendo riekona ne okonya ahinya.

Motingʼo Loko Manyien

⁹ Ne abedo ngʼama lich miwuoro moloyo ngʼato angʼata mane okuongona bedo jatelo e Jerusalem. E magi duto riekona matut nosiko koda.

Eklesiastes 2:9 ပူးပေါင်းရင်းမြစ်များ

1 Ruodhi 10:23

Kamano Ruoth Solomon noloyo ruodhi duto mag piny gi mwandu kendo gi rieko.

1 Ruodhi 10:7

Kane pok abiro mi anenogi gi wang’a, ne ok anyal yie ni gin adier. To koro aneno ni nonyisa mana dir wach, nimar riekoni kod mwanduni oloyo huma ma nawinjo.

1 Ruodhi 3:12

koro atimoni kaka isekwayo. Amiyi chuny mar rieko kod mar ng’eyo. Pok onywolie ng’at machal kodi, bende ok nonywol moro bang’i.

1 Weche mag Ndalo 29:25

Ruoth Nyasaye nomiyo Solomon duong’ ma onge ruodh Israel moro mane osebedogo.

2 Weche mag Ndalo 1:1

Solomon wuod Daudi nogurore e tich ruoth e pinye. Ruoth Nyasaye ma Nyasache ne ni kode, kendo nomiye duong’ ahinya.

Eklesiastes 1:16

Ne awacho e chunya niya, “Asebedo ng’at mariekie moloyo ng’ato ang’ata mane okwongona bedo ruoth e Jerusalem, kendo ang’eyo ni rieko kod ng’eyo gin gik manade.”

Eklesiastes 5:11

Kaka mwanduni medore, e kaka joma ipidho bende medore. Ohala miyudo en mana ng’eyo ni in jamoko.