Eklesiastes 2:8 - MUMA MALER 2015

⁸ Bende ne achoko fedha gi dhahabu mane igolo e ut keno mag ruodhi mag pinje mane aloyo. Chwo gi mon ne werna mondo omiya mor, kendo ne an gi mon duto ma ng’ama dichwo nyalo dwaro.

Motingʼo Loko Manyien

⁸ Ne achoko fedha gi dhahabu, kod girkeni mag ruodhi gi gwenge. Ne abedo bende gi jower machwo kod mamon, kendo gi mon duto mane nyalo moro chuny dichwo.

Eklesiastes 2:8 ပူးပေါင်းရင်းမြစ်များ

2 Samuel 19:35

Koro an jahigni piero aboro. Iparo ni pod nitie gimoro manyalo miya mor? Koso awinjo dhath gima achamo kata mar gima amadho? Iparo ni wende chwo kata wende mon pod nyalo miya ilo? Ooyo ruoth, ok owinjore amedni ting’ kayiem.

1 Ruodhi 10:10

Eka nomiyo ruoth Solomon dhahabu moromo kilo alufu abiriyo, kod kite ma nengogi tek. Solomon ne ok ochako oyudo gik mang’ue ng’ar ma dirom gi mago mane ruoth madhako mar Sheba omiye.

1 Ruodhi 10:14

Pek mar dhahabu mane ikelo ni Solomon higa ka higa ne romo kilo alufu piero ariyo gadek,

1 Ruodhi 10:21

Kikombe duto mag Solomon nolos gi dhahabu, kendo gik moko duto mikonyruokgo e Od Bungu mar Lebanon bende nolos gi dhahabu maler. Onge gimoro mane olos gi fedha, nikech fedha ne ok kwan ka gimoro e ndalo mag Solomon.

1 Ruodhi 11:3

Ne en gi mon mia abiriyo ma nyi ruodhi, kod mon mamoko mia adek.

1 Ruodhi 14:27

mi ruoth Rehoboam noloso kuodi mag mula kar mago, momiyo jotend jorit ranga dalane.

1 Ruodhi 9:14

Hiram nokowo ni Ruoth Solomon dhahabu moromo kilo alufu ang’wen.

1 Ruodhi 9:28

Ne gidhi Ofir, kuma ne giomoe dhahabu moromo kilo alufu apar gang’wen, mi ne gikelo ni ruoth Solomon.

1 Weche mag Ndalo 25:1

Daudi gi jodonge nowalo yawuot Asaf gi yawuot Heman gi yawuot Jeduthun ni tich lemo, mondo gikor wach ka gigoyo thumbe gi nyigwerni kod ongeng’o. Joma nomi tijno e magi:

1 Weche mag Ndalo 25:6

to giduto ne gikonyo wuon-gi wer e Od Ruoth Nyasaye e kinde mag lemo. To Daudi owuon ema ne chiko Asaf gi Jeduthun kod Heman e tijegi.

2 Weche mag Ndalo 9:11

Yien-go ruoth nolosogo raidhi mag Od Ruoth Nyasaye gi mag ode owuon kod thumbe nyatiti gi nyigwerni ma ne jower wergo e Hekalu. Yien machal kamago ne pok one e piny Juda nyaka nene.

Ezra 2:65

ka ok okwan wasumbgi machwo gi mamon, mane romo alufu abiriyo gi mia adek kod piero adek gabiriyo. Bende ne gin gi jower mia ariyo, machwo gi mamon.

Eklesiastes 1:2

Owacho niya, “Ngima en gima nono. Gik moko duto onge tich. Gin gik manono giduto, kendo onge gima nigi tiende kata achiel!

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”

Daniel 3:5

ka uwinjo tung’ gi thum nyatiti gi asili kod thumbe mamoko kaywak, to nyaka ukulru piny kendo ulam kido ma ruoth Nebukadnezar osechungo.

Daniel 3:7

Kuom mano e sa mane giwinjoe thumbe ka ywak, ji duto mae piny, bed ni gia e dhoot mane, kata bed ni giwacho dhok mane, nokulore piny, molamo kido mar dhahabu mane ruoth Nebukadnezar ochungo.

Amos 6:5

Un muchuogo wende manono, kugoyo thum kendo uloso thumbe kaka ne Daudi loso,